კანაიმის ეროვნული პარკი

კანაიმის ეროვნული პარკი Parque Nacional Canaima
IUCN კატეგორია II (ეროვნული პარკი)
მდებარეობა	ბოლივარის შტატი
ქვეყანა	ვენესუელა
კოორდინატები	5°20′00″ ს. გ. 61°30′00″ დ. გ.
ფართობი	30.000 კმ²
დაარსდა	12 ივნისი, 1962

კანაიმის ეროვნული პარკი
იუნესკოს მსოფლიო მემკვიდრეობის ძეგლი
სტატუსი	მსოფლიო მემკვიდრეობა
ქვეყანა	{{ქვეყნის მონაცემები  ვენესუელა, ბოლივარის შტატი | ქვეყნის დროშა2 | name =  ვენესუელა, ბოლივარის შტატი | variant = | size = }}
მსოფლიო მემკვიდრეობა
ტიპი	ბუნებრივი
კრიტერიუმები	vii, viii, ix, x
რეგიონი	სამხრეთი ამერიკა
გაწევრიანების ისტორია
გაწევრიანება	1994  (მე-18 სესია)
ნომერი	701

კანაიმის ეროვნული პარკი (ესპ.Parque Nacional Canaima) — 30 000 კვადრატული კილომეტრის მოცულობის პარკი ვენესუელის სამხრეთ-აღმოსავლეთ ნაწილში, ბრაზილიისა და გაიანის საზღვართან. პარკი მდებარეობს ბოლივარის შტატში. შედარებისათვის, მისი ფართობი თითქმის იგივეა, რაც მთლიანად გრან-საბანის რეგიონისა.

პარკი შეიქმნა 1962 წლის 12 ივნისს. სიდიდით პარკებს შორის ქვეყანაში მეორეა პარიმა-ტაპირაპეკოს პარკის შემდეგ. მისი ფართობი ბელგიის ფართობის ტოლია.

1994 წელს, იუნესკომ პარკი მსოფლიო მემკვიდრეობის სიაში შეიტანა, რადგან აქ მდებარეობს არაერთი ტეპუი – მაგიდის ზედაპირისმაგვარი გაბრტყელებული პიკის მქონე მწვერვალები, რომლებიც დამახასიათებელია მთელი ამ არეალისათვის.

ყველაზე ცნობილი ტეპუია რორაიმის მთა — ყველაზე მაღალი, მაგრამ ამავე დროს, მთასვლელთათვის ადვილად დასაპყრობი. ასევე აუიანტეპუი — რომელზეც გადმოედინება მსოფლიოს უმაღლესი ჩანჩქერი ანხელი. აღნიშნული მთები უძველესი ასაკისაა და მიეკუთვნება იმ პერიოდს, როდესაც სამხრეთ ამერიკა და აფრიკა ერთ სუპერკონტინენტს წარმოადგენდა.

პარკში ცხოვრობენ ადგილობრივი ინდიელები — პემონის ტომი, კარიბის ენათა ჯგუფიდან. პემონის ხალხს ამ მთებისადმი განსაკუთრებული დამოკიდებულება გააჩნია, მათ სჯერათ, რომ იქ სულები სახლობენ. პარკი შედარებით მოწყვეტილია გარესამყაროს, ქალაქთან მხოლოდ რამდენიმე პატარა გზა აკავშირებს. პარკის ტერიტორიაზე გადაადგილების და დათვალიერების საუკეთესო საშუალებას წარმოადგენს ვერტმფრენი. ასევე შესაძლებელია ფეხით ან კანოეთი მოძრაობა.

პემონის ინდიელებს პარკში გახსნილი აქვთ რამდენიმე საშუალო და მაღალი კლასის სასტუმრო, რომელთაც ძირითადად პარკის ევროპელი დამთვალიერებლები სტუმრობენ.

იხილეთ აგრეთვე

• ვენესუელის ეროვნული პარკების სია
• იუნესკოს მსოფლიო მემკვიდრეობის ძეგლები ვენესუელაში
• მსოფლიო მემკვიდრეობის ძეგლების სია ამერიკაში

რესურსები ინტერნეტში

• UNEP World Conservation Monitoring Centreდაარქივებული 2007-03-11 საიტზე Wayback Machine.
• Official UNESCO website entry
• Video from Canaima National Park
• Canaima National Park
• Protected Planet Page for Canaima დაარქივებული 2012-03-06 საიტზე Wayback Machine.

მსოფლიო მემკვიდრეობა UNESCO, ობიექტი № 701 ინგლ. • რუს. • ფრ.