ზეთიანა

ზეთიანა (ლათ. Suillus) — ბაზიდიუმიანი სოკოების გვარი Boletaceae-ის ოჯახისა. ქუდის დიამეტრი 5-10 სმ აღწევს. ლორწოვანი, მოთეთრო, რუხი, მურა, მოყვითალო და მოყვითალო-მურა სხეული აქვთ. ჰიმენოფორი მილისებრია. ფეხები მთლიანია, წებოვანი ან ლორწოვანი რგოლებითა და მეჭეჭებით. გვარი მოიცავს დაახლოებით 50-მდე სახეობას, რომელთაგან ყველა ძვირფასი საჭმელი სოკოა. გავრცელებულია ევროპაში, ამერიკასა და ავსტრალიაში. იზრდება წიწვოვან და ფოთლოვან ტყეში, ზაფხულ-შემოდგომით. ყველაზე მეტად ცნობილია Suillus luteus, Suillus flavidus და Suillus variegatus.

რესურსები ინტერნეტში

• ზეთიანა Index Fungorum-ზე (ინგლისური)
• ბიოლოგიური ენციკლოპედიური ლექსიკონი (რუსული)