ევროპული ქრცვინი

მასალა ვიკიპედიიდან — თავისუფალი ენციკლოპედია
Jump to navigation Jump to search
ევროპული ქრცვინი
Ilder.jpg
მეცნიერული კლასიფიკაცია
სამეფო:  ცხოველები
ტიპი:  ქორდიანები
კლასი:  ძუძუმწოვრები
რიგი:  მტაცებლები
ოჯახი:  კვერნისებრნი
გვარი:  თრითინა
სახეობა:  ევროპული ქრცვინი
ლათინური სახელი
Mustela putorius (Linnaeus, 1758)
დაცვის სტატუსი
Status iucn3.1 LC ka.svgსაჭიროებს ზრუნვას
ყველაზე ნაკლები საფრთხის ქვეშ
IUCN 3.1 Least Concern : 41658
გავრცელება
Mustela putorius distribution.svg

ევროპული ქრცვინი, ტყის ქრცვინი, შავი ქრცვინი ან ჩვეულებრივი ქრცვინი (ლათ. Mustela putorius) — ძუძუმწოვარი ცხოველი კვერნისებრთა ოჯახისა. გავრცელებულია ევრაზიის კონტინენტზე: ევროპაში — თითქმის მთლიანად, აზიასა და აფრიკაში — მცირედ. მამალი სიგრძეში 350–460 მმ-ია, დედალი — 290–394 მმ; მასა შესაბამისად 1000–1500 და 650–815 .[1] შეფერილია შავ-მურად, აქვს ღია ლაქები სხეულის სხვადასხვა ნაწილზე. ბინადრობს მცირე ტყის მასივებში და ცალკეულ კორომებში. დედალი მძუნაობს აპრილ-მაისში, ზოგჯერ ივნისის მეორე ნახევარში. მაკეობა თვენახევარი გრძელდება, რის შემდგომაც იბადება 4–6 ნაშიერი. თავდაპირველად დედა მათ რძით კვებავს. ევროპული ქრცვინი იკვებება მემინდვრიებითა, თაგვებით, ბაყაყებით, გომბეშოებით, ვირთხებით, გველებით, ფრინველებითა და მწერებით. მოშინაურებული ფორმა — შინაური ქრცვინი (ლათ. Mustela putorius furo) გამოიყენება სანადიროდ (მაგ., სოროდან კურდღელის გამოსადევნად).

ლიტერატურა[რედაქტირება | წყაროს რედაქტირება]

  • Heptner, V. G.; Sludskii, A. A. (2002). Mammals of the Soviet Union. Washington, D.C.: Smithsonian Institution Libraries and National Science Foundation. ISBN 90-04-08876-8. 

სქოლიო[რედაქტირება | წყაროს რედაქტირება]

  1. Heptner & Sludskii 2002, გვ. 1114—1115.