დიდება (ჰიმნი)

დიდება

ჰიმნის ნოტები
ქვეყანა	საქართველო
ტექსტის ავტორი	კოტე ფოცხვერაშვილი
მუსიკის ავტორი	კოტე ფოცხვერაშვილი
შემოღებულ იქნა	1918 წელს
აქტიური იყო	1918–1921 და 1991–2004 წწ.
დიდება (ორკესტრის შესრულება) ვერ ხსნით ფაილს? იხ. მედია მაშველი.

დიდება — საქართველოს დემოკრატიული რესპუბლიკის სახელმწიფო ჰიმნი 1918-1921 წლებში და საქართველოს რესპუბლიკის ჰიმნი 1991-2004 წლებში. ის ამავადროულად პირველი ქართული ეროვნული ჰიმნია. ტექსტი და მუსიკა ეკუთვნის კომპოზიტორ კოტე ფოცხვერაშვილს.

ისტორია

დამოუკიდებელ საქართველოში სახელმწიფოს ჰიმნის მიღების საკითხი წამოიჭრა. შეიქმნა კომისია და გამოცხადდა კონკურსი. მასში, სხვა მუსიკოსებთან ერთად, კოტე ფოცხვერაშვილიც მონაწილეობდა. საკონკურსო კომისიამ განიხილა წარდგენილი ნაწარმოებები და საუკეთესოდ კოტე ფოცხვერაშვილის ჰიმნი — „დიდება“ აღიარა. საგულისხმოა ის ფაქტი, რომ კომპოზიტორს ჰიმნის რამდენიმე ვარტიანტი ჰქონდა წარდგენილი. ჰკითხეს ჰიმნის ავტორს: „რა არის ბატონო კოტე, ამდენი ჰიმნის წარმოდგენა, ნუთუ ერთი არ იყო საკმარისი?!“ რაზეც მუსიკოსმა უპასუხა: „რა ვქნა, ბატონებო, ჰიმნებით ვარ გაჟღენთილი“.

1921 წელს საქართველომ დამოუკიდებლობა დაკარგა. კ. ფოცხვერაშვილის მიერ შექმნილი ჰიმნი არათუ უარყვეს, არამედ საერთოდ აიკრძალა მისი შესრულება.

2004 წლის აპრილში, „დიდება“ შეიცვალა ახალი სახელმწიფო ჰიმნით — „თავისუფლება“.

ტექსტი

ქართული	ტრანსლიტერაცია
დიდება ზეცით კურთხეულს! დიდება ქვეყნად სამოთხეს! ტურფა ივერსა, დიდება ძმობას, ერთობას! დიდება თავისუფლებას! დიდება სამარადისო ქართველ მხნე ერსა! დიდება ჩვენსა სამშობლოს! დიდება ჩვენი სიცოცხლის მიზანს დიადსა! „ვაშა!“ ტრფობასა, სიყვარულს, „ვაშა!“ შვებასა, სიხარულს, „სალამი!“ ჭეშმარიტების, შუქ — განთიადსა.	Dideba zetsit k’urtkheuls, dideba kveq’nad samotkhes t’urpa iversa. Dideba dzmobas, ertobas. Dideba tavisuplebas, dideba samaradiso kartvel mkhne ersa! Dideba chvensa samshoblos, Dideba chveni sitsotskhlis Mizans diadsa; Vasha t’rpobasa, siq’varuls. Vasha shvebasa, sikharuls, salami ch’eshmarit’ebis shuk–gantiadsa!

დიდება

ლიტერატურა

• ფოცხვერაშვილი კოტე — დიდება (ნოტი) : ქართული ეროვნული ჰიმნი : განმარტივებული სახალხო გამოცემა ქალ-ვაჟთა გუნდისათვის (შეიძლება ფორტეპიანოზედაც დაიკრას) / სიტყვ. და მუზიკა კოტე ფოცხვერაშვილისა — ქუთაისი : ავტ. გამოც. N1, 1918 : ი. კილაძის სტ. — [4]გვ. ; 31სმ. — : 1მ. — www.nplg.gov.ge;

რესურსები ინტერნეტში

• ინსტრუმენტული ვერსია დაარქივებული 2011-11-30 საიტზე Wayback Machine. , MP3 ფორმატში;
• ინსტრუმენტული ვერსია, Youtube.
• ვოკალური ვერსია, Youtube.
• (Real Player) ვერსია;