გურამ ლორთქიფანიძე

გურამ ლორთქიფანიძე
დაბადების სახელი	გურამ ლორთქიფანიძე
დაბადების თარიღი	6 მაისი, 1930 თბილისი, საქართველოს სსრ, სსრკ
გარდაცვალების თარიღი	6 იანვარი, 2008 (77 წლის)
საქმიანობა	მსახიობი, რეჟისორი

გურამ ლორთქიფანიძე (დ. 6 მაისი, 1930, თბილისი, საქართველოს სსრ, სსრკ — გ. 6 იანვარი, 2008) — ქართველი მსახიობი. საქართველოს სსრ-ის დამსახურებული არტისტი (1980).

ბიოგრაფია

1955 წელს დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი. 1969 წელს კი საკავშირო კინემატოგრაფიის ინსტიტუტის სცენარისტისა და რეჟისორის ორწლიანი კურსები. 1949–1972 წლებში მუშაობდა კინოსტუდია „ქართულ ფილმში“ მსახიობად, რეჟისორის თანაშემწედ; 1972–1980 წლებში საქართველოს ტელევიზიაში რეჟისორად; 1981 წლიდან კინოსტუდია „ქართული ფილმის“ რეჟისორია. გადაღებულია მრავალ ფილმში საქართველოსა და საზღვარგარეთ. დიდი პოპულარობა მოუტანა აგულის როლმა ( „არაჩვეულებრივი გამოფენა“, რეჟ. ელდარ შენგელაია, 1968). გურამ ლორთქიფანიძე 2008 წლის 6 იანვარს გულის შეტევით გარდაიცვალა.

ფილმოგრაფია

• 1968: „არაჩვეულებრივი გამოფენა“ (აგული) რეჟ. ელდარ შენგელაია
• 1971: „მე, გამომძიებელი“ (ოთარ აბულაძე) რეჟ. გიორგი კალატოზიშვილი
• 1975: „არ დაიჯერო, რომ აღარა ვარ“ (ავთო) რეჟ. ყარამან (გუგული) მგელაძე
• 1975: „პირველი მერცხალი“ (ბეჟანი) რეჟ. ნანა მჭედლიძე
• 1976: „გასეირნება თბილისში (ნამდვილი თბილისელი და სხვები)“ (გერასიმე) რეჟ. ნანა მჭედლიძე
• 1977: „რაჭა ჩემო სიყვარულო“ (ვანო) რეჟისორები თემურ ფალავანდიშვილი, იოზეფ მედვედი
• 1977: „სინემა“ (ამბერკი) რეჟ. ლიანა ელიავა
• 1980: „წერილები ბამიდან“ რეჟ. თემურ ფალავანდიშვილი
• 1982: „არაჩვეულებრივი რეისი“ (ამბერკი) რეჟ. ბიძინა ჩხეიძე
• 1983: „ცისფერი მთები ანუ დაუჯერებელი ამბავი“ (თენგიზი) რეჟ. ელდარ შენგელაია
• 1984: „სკაპენის ოინები“ (სილვესტერი) რეჟისორები გიორგი კალატოზიშვილი, მიხეილ კალატოზიშვილი (უმცროსი)
• 1986: „ზღვის მაშვრალნი“ (ტანგრეი) რეჟისორები ედმონდ სეშანი, გურამ (გიზო) გაბესკირია
• 1987: „ხარება და გოგია“ (ფოტოგრაფი) რეჟ. გიორგი შენგელაია
• 1988: „გრაციოზო“ რეჟ. არმაზ ბურნაძე
• 1989: „მაისის თოვლი“ რეჟ. ზურაბ ინაშვილი
• 1990: „ოჰ, ეს საშინელი, საშინელი ტელევიზორი“ (ბენო) რეჟ. თემურ ფალავანდიშვილი
• 1993: „ლეონარდო“ (ტატო) რეჟ. დავით ნაცვლიშვილი
• 1996: „მორევი“ რეჟ. რამაზ გიორგობიანი
• 1998: „ჩემი ძვირფასი, სანატრელი ბაბუ“ (ლავრენტი) რეჟ. პავლე ჩარკვიანი

ჯილდოები, პრემიები და პრიზები

• 1980: საქართველოს სსრ-ის დამსახურებული არტისტი
• 1999: თბილისის საპატიო მოქალაქე
• 2000: ღირსების ორდენი

რესურსები ინტერნეტში

• გურამ ლორთქიფანიძე კინოფილმების ინტერნეტ-მონაცემთა ბაზაში
• გურამ ლორთქიფანიძე [დაარქივებული] — ეროვნული ფილმოგრაფია
• გურამ ლორთქიფანიძე — საქართველოს ბიოგრაფიული ლექსიკონი