გიტანას ნაუსედა

გიტანას ნაუსედა
ლიეტუვის პრეზიდენტი
ამჟამინდელი თანამდებობა
დაიკავა	12 ივლისი, 2019
წინამორბედი	დალია გრიბაუსკაიტე
დაბადებული	19 მაისი, 1964 (1964-05-19) კლაიპედა, ლიტვის სსრ
ეროვნება	ლიეტუველი

გიტანას ნაუსედა (ლიეტ. Gitanas Nausėda; დ. 19 მაისი, 1964, კლაიპედა, ლიტვის სსრ, სსრკ) — ლიეტუველი ეკონომისტი, პოლიტიკოსი, ბანკირი და უნივერსიტეტის მასწავლებელი. ლიეტუვის პრეზიდენტი 2019 წლის 12 ივლისიდან.

ბიოგრაფია

დაიბადა 1964 წლის 19 მაისს კლაიპედაში. 1970-1981 წლებში სწავლობდა კლაიპედის მეხუთე საშუალო სკოლაში. 1981 წელს ვერ შეძლო ვილნიუსის უნივერსიტეტში შესვლა და სწავლობდა სანტექნიკოსად კლაიპედის აფთიაქში. 1982-1987 წლებში სწავლობდა ვილნიუსის ინივერსიტეტის მრეწველობის ეკონომიკის ფაკულტეტზე.

1987-1989 წლებში ეკონომიკის ფაკულტეტის ასპირანტია. 1987-2004 წლებში ამავე უნივერსიტეტის ეკონომიკის ფაკულტეტის პედაგოგი. 1990-1992 წლებში პრაქტიკას გადის გერმანიის მანჰეიმის უნივერსიტეტში. 1996-2000 წლებში ლიეტუვის ბანკის ფულად-საკრედიტო პოლიტიკის დეპარტამენტის დირექტორია. 1998 წელს სტაჟირებაზეა ვაშინგტონში, მსოფლიო ბანკში.

2004-2009 წლებში პრეზიდენტ ვალდას ადამკუსის მრჩეველია.

დაოჯახებულია, ჰყავს ორი ქალიშვილი. მშობლიური ენის გარდა ფლობს ინგლისურ, გერმანულ და რუსულ ენებს.

პოლიტიკური კარიერა

2004 წელს მხარ დაუჭირა ვალდას ადამკუსის საარჩევნო კამპანიას.

2018 წლის 17 სექტემბერს წამოაყენა თავისი კანდიდატურა 2019 წლის საპრეზიდენტო არჩევნებში. პირველ ტურში მიიღო ხმების 30,95 % და დაიკავა მეორე ადგილი, ხოლო მეორე ტურში გაიმარჯვა და ქვეყნის მეთაურის პოსტი 2019 წლის 12 ივლისს დაიკავა.

რესურსები ინტერნეტში

ვიკისაწყობში არის გვერდი თემაზე:

გიტანას ნაუსედა

• ოფიციალური ვებგვერდი დაარქივებული 2019-05-10 საიტზე Wayback Machine.
• ლიეტუვის საპრეზიდენტო არჩევნებში გიტანას ნაუსედამ გაიმარჯვა

სქოლიო

წინამორბედი: დალია გრიბაუსკაიტე

ლიეტუვის პრეზიდენტი 2019 – დღემდე

შემდეგი: