ბრტყელფოთოლა თეთრყვავილა (ლათ.Galanthus platyphyllus) — ბოლქვიანიმცენარეამარილისისებრთაოჯახისა. აქვს პრიალაა, მუქი მწვანე, ფართო, მოგრძოლანცეტა ფოთლები წვეტზე ჩაჩით. ყვავილები პატარა ან საშუალო ზომისაა. საყვავილე ღერო სიგრძეში ფოთლებს აღემატება. ყვავილსაფრის გარეთა სეგმენტები მოგრძოკვერცხისებურია, შიგნითა პატარა ზომისაა, ყვითელი ლაქით, წვერში ამოკვეთილი არ არის. ყვავილობისა და ნაყოფმსხმოიარობის პერიოდია აპრილ-მაისი. კავკასიის ენდემია. გავრცელებულია ჩრდილოეთ კავკასიის დასავლეთ და ცენტრალურ ნაწილში, აგრეთვე საქართველოში, სადაც, ძირითადად, დასავლეთ ნაწილში, ასევე ქართლსა და მთიულეთში გვხვდება. იზრდება სუბალპურ და ალპურ სარტყლებში.[1]
