აბიანდა-ჩაამა

აბიანდა-ჩაამა
კოორდინატები: 43°05′52″ ჩ. გ. 41°06′14″ ა. გ.
ქვეყანა	საქართველო
ტერიტორიული ერთეული	სოხუმის მუნიციპალიტეტი
უმაღლესი წერტილი	ჩაამა
სიმაღლე	1260 მ
სიგრძე	11-12 კმ
ამგებელი ქანები	კირქვა

აბიანდა-ჩაამა — განედური ანტიკლინური ქედი საქართველოში, სოხუმის მუნიციპალიტეტში. მდებარეობს მდინარეებს გუმისთასა და კელასურს შორის. მდინარე ბესლეთის სათავეებისა და გუმისთის მარცხენა შენაკად მთისუბნისწყლის წყალგამყოფი. სიგრძე 11-12 კმ, საშუალო სიმაღლე 1100 მ (მთები: აბიანდა - 921 მ, ჩაამა - 1260 მ). აგებულია ცარცული და მესამეული კირქვებით. ქედისათვის დამახასიათებელია რელიეფის კარსტული ფორმები. დაფარულია კოლხური ტიპის ფართოფოთლოვანი ტყით. ქედზე გადის ტურისტული მარშრუტი: სოხუმი - სოფ. შრომა და მთები: აბიანდა-ჩუმკუზბა-ძირხვა.

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 28.

• ენციკლოპედია „საქართველო“, ტ. 1, თბ., 1997. — გვ. 29.