ჰიფიკეპუნიე პოჰამბა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ჰიფიკეპუნიე პოჰამბა
ჰიფიკეპუნიე პოჰამბა
ნამიბიის პრეზიდენტი
ამჟამინდელი თანამდებობა
დაიკავა 21 მარტი 2005
წინამორბედი სემ ნუიომა

დაბადებული 18 აგვისტო 1935
მეუღლე პენეჰუპიფო პოჰამბა
რელიგია ანგლიკანი

ჰიფიკეპუნიე ლუკას პოჰამბა (ინგლ. Hifikepunye Lucas Pohamba, დ. 18 აგვისტო 1935) — ნამიბიის სახელმწიფო მოღვაწე, ნამიბიის პრეზიდენტი 2005 წლის 21 მარტიდან.

ბიოგრაფია[რედაქტირება]

განათლება მიიღო ანგლიკანურ სკოლაში. 25 წლისა იყო, როდესაც სემ ნუიომასთან ერთად 1960 წელს დააარსა სვაპო და აქტიურად იბრძოდა ნამიბიის დამოუკიდებლობისათვის. პოლიტიკური აქტივობის გამო რამდენიმეჯერ დააპატიმრეს, ციხიდან გათავისუფლების შემდეგ კი იმყოფებოდა შინაპატიმრობაში. ცხოვრობდა ემიგრაციაში ლუსაკაში, სადაც 1964 წელს გახსნა სვაპოს ოფისი. პოლიტიკური განათლება მიიღო სსრკ-ში. 1989 წელს აირჩიეს კონსტიტუციურ ასამბლეაში, ხოლო დამოუკიდებლობის გამოცხადების შემდეგ გახდა ეროვნული ასამბლეის დეპუტატი და შევიდა სემ ნუიომას მთავრობაში:

  • 1990-1995 წწ. შინაგან საქმეთა მინისტრი.
  • 1995-1997 წწ. მეთევზეობისა და საზღვაო რესურსების მინისტრი.
  • 1997-2000 წწ. უპორტფელო მინისტრი.
  • 2001-2004 წწ. მიწათმოქმედების მინისტრი.

2004 წლის მაისში პოჰამბა სვაპომ დაასახელა პრეზიდენტობის კანდიდატად. ამავე წელს გაიმარჯვა საპრეზიდენტო არჩევნებში 76,44 %-ით და შეცვალა სემ ნუიომა. 2007 წელს, სვაპო-ს კონგრესზე პოჰამბა კვლავ იქნა დასახელებული საპრეზიდენტო კანდიდატად 2009 წლისათვის.

რესურსები ინტერნეტში[რედაქტირება]

წინამორბედი:
სემ ნუიომა
ნამიბიის პრეზიდენტი

2005 – დღემდე
შემდეგი:
'