ხულიო იგლესიასი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ხულიო იგლესიასი
ხულიო იგლესიასი 2006 წლის ნოემბერში
ხულიო იგლესიასი 2006 წლის ნოემბერში
ბიოგრაფია
ნამდვილი სახელი ხულიო იგლესიას დე ლა კუევა
დაბ. თარიღი 9 ნოემბერი, 1943 (1943 -23-09) (70 წლის)
მადრიდი, ესპანეთი.
წარმოშობა ესპანელი
ჟანრ(ებ)ი ლათინოამერილული მუსიკა, ლათინური პოპი, კლასიკური მუსიკა
საქმიანობა მომღერალი, კომპოზიტორი
აქტიური 1968-დღემდე
ლეიბლ(ებ)ი Columbia Records და Sony Music Entertainment
საიტი ოფიციალური საიტი

ხულიო იგლესიასი (სრული სახელი ხულიო ხოსე იგლესიას დე ლა კუევა, Julio José Iglesias de la Cueva; დ. 23 სექტემბერი, 1943) — ესპანელი მომღერალი და კომპოზიტორი, რომელიც მისმა მეტყველმა მუსიკამ ყველა დროის ერთ-ერთ ყველაზე გაყიდვად შემსრულებლად აქცია. XXI საუკუნის დასაწყისში, მას გაყიდული ჰქონდა მრავალ ენაზე შესრულებილი ასეულობით მილიონი ალბომი.[1] მან გაყიდა 300 მილიონზე მეტი ჩანაწერი, რომელიც სულ 14 ენაზე და 77 ალბომადაა გამოსული.[2] Sony Music Entertainment-ის მონაცემების თანახმად, ის შესულია მუსიკის ისტორიაში 15 ყველაზე გაყიდვადი შემსრულებლის სიაში.[3] იგლესიასი მსოფლიო ყურადღების ცენტრში 1970—1980-იან წლებში მოექცა, როგორც რომანტიკული ბალადების შემსრულებელი. მისი წარმატება მუსიკის სხვა ჟანრების მოსინჯვის შემდეგაც გაგრძელდა.[4] ხულიო იგლესიასი ასევე მომღერალ ენრიკე იგლესიასის მამაა.

ბიოგრაფია[რედაქტირება]

იგლესიასი მადრიდში დაიბადა და უფროსი ვაჟი იყო ხულიო იგლესიას პუგასა და მარია დელ როსარიო დე ლა კუევა ი პერიგნატის ოჯახში. მამის ოჯახი გალისიიდან იყო, დედის კი ანდალუსიიდან.

1960-იან წლებში იგი მადრიდის უნივერსიტეტში სამართალს სწავლობდა და ამავე დროს მადრიდის რეალის მეკარე იყო.[5] 1963 წლის 22 სექტემბერს ხულიო ავტოავარიაში მოჰყვა, რა დროსაც ზურგის ტვინი დაიზიანა.[6] იგი ამბობდა: „მე ავტოავარია მომიხდა, ძალიან, ძალიან უცნაური ავარია, მანქანაზე კონტროლი დავკარგე და გადავაბრუნე, რამაც ქვედა კიდურების დამბლა გამოიწვია... სამი წლის განმავლობაში ძალიან, ძალიან ცუდად ვიყავი“. მისი ექიმი ფიქრობდა, რომ იგი ვეღარასდროს გაივლიდა, თუმცა, ჯანმრთელობამ ნელ-ნელა მაინც იწყო აღდგენა. ხელების გავარჯიშების მიზნით, ხულიომ გიტარაზე დაკვრა დაიწყო.[6] როდესაც საბოლოოდ გამოჯანმრთელდა, აკადემიური სწავლება დაასრულა და ინგლისური ენის შესასწავლად გაერთიანებულ სამეფოში გაემგზავრა.

1971 წელს ცოლად შეირთო ფილიპინელი ესპანელი[7] ჟურნალისტი ისაბელ პრეისლერი, რომელთანაც სამი შვილი შეეძინა — ჩაბელი, ხულიო და ენრიკე. 1979 წელს ისინი გაეყარნენ. 1981 წელს, მამამისი ხულიო იგლესიას პუგა ბასკმა ტერორისტებმა გაიტაცეს, მაგრამ ორი კვირის შემდეგ ცოცხალი იპოვეს, რამაც ხულიოს ბავშვებთან ერთად ფლორიდაში, მაიამიში გადასახლებისკენ უბიძგა.[8]

2010 წლის 24 აგვისტოს, 20 წლიანი ურთიერთობის შემდეგ ხულიო იგლესიასი და მირანდა რინსბურგერზე დაქორწინდა. ჯვრისწერა პარიზში შედგა.[9] წყვილს სამი ვაჟი და ტყუპი გოგონა ჰყავთ.[10] როდესაც ხულიო 60 წლის იყო, 2004 წელს, 89 წლის მამამისმა, ხულიო იგლესიას პუგამ ნახევარძმა აჩუქა, 2006 წელს კი ნახევარდა.[8]

რესურსები ინტერნეტში[რედაქტირება]


სქოლიო[რედაქტირება]

  1. belfasttelegraph.co.uk
  2. julioiglesias.com
  3. List of best-selling music artists
  4. official web page, elmundo.es, europapress.es, El Universal
  5. The Iglesias dynasty:Two generations of hot Latin talent. www.hellomagazine.com.
  6. 6.0 6.1 Iglesias, Julio. Reader's Digest. November 2006 issue. Article by Julio Iglesias, page??
  7. Preysler Family. www.geocities.com. დაარქივებულია ორიგინალიდან 2009-10-26-ში.
  8. 8.0 8.1 Couzens, Gerard. (20 December 2005)Julio, the Daddy of them all, dies at 90. Daily Mail. წაკითხვის თარიღი: 08 April 2012.
  9. Spanish singer Julio Iglesias marries in secret. Yahoo! News. დაარქივებულია ორიგინალიდან 2010-08-29-ში.
  10. Nudd, Tim. “Julio Iglesias Welcomes a Baby Boy“, People.com, May 7, 2007. წაკითხვის თარიღი: August 27, 2010.