პორტალი:ახალი ამბები/2011 სექტემბერი 27

27 სექტემბერი, 2011 (სამშაბათი)

საქართველოში ადგილობრივი დროით 01:58:54 სთ-ზე 4,3 მაგნიტუდის სიმძლავრის მიწისძვრა მოხდა. ეპიცენტრი ახალქალაქიდან 50, ხოლო თბილისიდან 74 კილომეტრის მოშორებით იყო. (earthquake.usgs.gov)
მართლმადიდებელი სამყარო დღეს ჯვართამაღლების დღესასწაულს აღნიშნავს. სრულიად საქართველოს კათოლიკოს–პატრიარქი ილია მეორე სამების საკათედრო ტაძარში სადღესასწაულო წირვას აღავლენს. ჯვართამაღლების დღესასწაული იმპერატორ კონსტანტინე დიდის დროს IV საუკუნეში დაარსდა, როდესაც დედოფალი ელენე იერუსალიმში მაცხოვრის ჯვრის საძებნელად წავიდა. დედოფალმა ჯვარი იპოვა და მისი სასწაულმოქმედებით უამრავი ადამიანი გააქრისტიანა. იმპერატორმა კონსტანტინემ კი ქრისტეს აღდგომის ტაძარი ააშენა. ტაძარი იკურთხა და 335 წლის, 14 სექტემბერს დაწესდა ყოვლისმყოფელი ჯვართამაღლების დღესასწაული. (1 არხი)