კვაკერები
კვაკერები (ინგლ. Quakers,— "მოკანკალენი") — პროტესტანტული სექტის "მეგობართა საზოგადოების" წევრები. საზოგადოება ინგლისელმა ხელოსანმა ჯორჯ ფოქსმა (1624-91) დაახლოებით 1650 წელს დააარსა. კვაკერები გამოდიოდნენ ანგლიკანური ეკლესიის წინააღმდეგ, უარყოფდნენ სამღვდელოებას, საეკლესიო საიდუმლოს (მათი მოძღვრებით ადამიანს შეუძლია უშუალოდ დაუკავშირდეს ღმერთს), ქადაგებდნენ პაციფიზმს და ქველმოქმედებას. ანგლიკანური ეკლესიისა და ინგლისის მთავრობის მიერ დევნილი კვაკერების მრავალი თემი XVII ს. 60-აინ წლებში ჩრდილოეთ ამერიკაში გადავიდა. 1689 წ. ინგლისისა და ამერიკის კვაკერების მდგომარეობა ლეგალიზებულ იქნა "შემწყნარებლობის აქტით". თუ ადრე კვაკერების სოციალური შემადგენლობა წვრილბურჟუაზიული იყო, მოგვიანებით მათ შორის მსხვილი კაპიტალის მფლობელებიც გამოჩნდნენ. XX ს. 60-იანი წწ. დასაწყისში კვაკერების თემები 200 ათას წევრს აერთიანებდა (უმთავრესაც აშშ-ში, ბრიტანეთში და აღმოსავლეთ აფრიკის ქვეყნებში).
ლიტერატურა[რედაქტირება]
- ქართული საბჭოთა ენციკლოპედია, ტ. 5, გვ. 482-483, თბ., 1980 წელი.
რესურსები ინტერნეტში[რედაქტირება]
- QuakerInfo.org: - A Quaker Information Centre
- Liberal Quakers: - An introduction to Liberal Quakers
- Friends Christian Renewal: - A homepage about the faith and practice of mostly Christian Unprogrammed Friends
- Quaker Fellowship in Christ: - An informal fellowship of Pentecostal Quakers in Great Britain
- QuakerQuaker: - A website about the faith and practice of mostly Christian Unprogrammed Friends
