კაგუა
|
ქალაქი
კაგუა
Cagua
|
კაგუა (ესპ. Cagua) — ქალაქი ვენესუელაში, არაგუის შტატში. მდებარეობს შტატის ჩრდილო-დასავლეთ ნაწილში, ზღვის დონიდან 458 მეტრზე, მდინარე არაგუის ხეობაში. წარმოადგენს ქალაქ მარაკაის მეტროპოლიური არეალის შემადგენელ ნაწილს.
ქალაქი დაარსდა 1620 წელს სახელით კაგუა-ლა-ვიეხო. 1622 წელს ის ხელახლა აღდგა მის ამჟამინდელი მდებარეობის ადგილას სახელით ნუესტრა-სენიორა-დელ-როსარიო-დე-კაგუა (ესპ. Nuestra Señora del Rosario de Cagua), XVIII საუკუნეში ეს დასახელება სან-ხოსე-დე-კაგუამ შეცვალა, საბოლოოდ კი დარჩა მხოლოდ კაგუა. სახელწოდება „კაგუა“ მომდინარეობს ადგილობრივი სიტყვა „კაჰიუასგან“, რაც ლოკოკინას ნიშნავს.
კაგუის მოსახლეობა 2001 წლის მონაცემებით 107 932 ადამიანს შეადგენდა.[1] ქალაქში მრავლადაა სკვერი. კლიმატი ტროპიკული ცხელია. შემოსაზღვრულია სხვა მნიშვნელოვანი ქალაქებით: მარაკაი (14 კმ-ში), ვალენსია (65 კმ-ში), კარაკასი (100 კმ-ში).
