დასავლეთ პონტოს მთები

დასავლეთ პონტოს მთები
კოორდინატები: 40°57′00″ ჩ. გ. 37°53′00″ ა. გ.
ქვეყანა	თურქეთი
უმაღლესი წერტილი	დელითეფე
სიმაღლე	2600 მ
სიგრძე	475 კმ

დასავლეთ პონტოს მთები, ბათი-ყარადენიზ-დაღლარი (თურქ. Batı Karadeniz Dağları) — ქედი თურქეთში. წარმოადგენს პონტოს მთების დასავლეთ ნაწილს, რომელიც ვრცელდება მდინარე საქარიას ხეობიდან ყიზილ-ირმაქის ხეობამდე. სიგრძე 475 კმ, მაქსიმალური სიმაღლე 2600 მ (მთა დელითეფე). შედგება გასწვრივი ხეობებითა და ქვაბულებით გამოყოფილი პარალელური ქედებისაგან. მთების კალთები ციცაბოდ ეშვება შავი ზღვისკენ. აგებულია ქვიშაქვებით, კირქვებითა და მეტამორფული ქანებით. არის ქვანახშირის საბადოები (ზონგულდაქის აუზი). შავი ზღვისკენ მოქცეულ კალთებზე, ნოტიო და თბილი ჰავის პირობებში, განვითარებულია მთა-ტყის მცენარეულობა, 2000 მ-ზე მაღლა სუბალპური მდელოებია, სამხრეთი ქედები უტყეოა. ქვაბულებში და დაბლობებზე ბაღები, ზვრები, სიმინდის, ბრინჯისა და თამბაქოს ნათესებია.

იხილეთ აგრეთვე

• პონტოს მთები

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 392-393.