გუდითა
.svg)
გუდითა — ნასოფლარი საქართველოში, ახალგორის მუნიციპალიტეტის წინაგრის ადმინისტრაციულ ერთეულში (სამხრეთ ოსეთის დროებითი ადმინისტრაციულ-ტერიტორიული ერთეული).
მდებარეობს მდინარეების ლეხურისა (მტკვრის მარცხენა შენაკადი) და მეჯუდის (ლიახვის მარცხ. შენაკადი) წყალგამყოფი ქედის დასავლეთ კალთაზე, ლეხურის მარჯვენა მხარეს. ზ. დ. 1020 მ, ახალგორიდან 72 კმ. კასპიდან (უახლოესი რკინიგზის სადგური) 44 კმ.
1990 წლამდე შედიოდა სამხრეთ ოსეთის ავტონომიური ოლქის შემადგენლობაში. 1979 წლის აღწერით სოფელში ცხოვრობდა 10 ადამიანი (ოსები), 1989 წელს მუდმივი მოსახლეობა უკვე აღარ იყო.[1] ახალგორის მუნიციპალიტეტის საჯარო რეესტრში რეგისტრაციის დროისთვის (2006) გუდითა ახალგორის მუნიციპალიტეტის სოფლებს შორის აღარ ირიცხებოდა.[2] 2008 წლიდან ოკუპირებულია რუსეთის ფედერაციის მიერ.[3]
ლიტერატურა[რედაქტირება | წყაროს რედაქტირება]
- ენციკლოპედია „საქართველო“, ტ. 2, თბ., 2012.
სქოლიო[რედაქტირება | წყაროს რედაქტირება]
- ↑ სამხრეთ ოსეთის ავტონომიური ოლქის მოსახლეობა 1939, 1959, 1970, 1979 და 1989 წლების სრულიად საკავშირო აღწერების შედეგების მიხედვით, საქართველოს სტატისტიკის ეროვნული სამსახური.
- ↑ მუნიციპალიტეტების რეესტრი, საჯარო რეესტრის ეროვნული სააგენტო.
- ↑ საქართველოს შეცვლილი საზღვრები ოკუპაციის შემდეგ, ინფორმაციის თავისუფლების განვითარების ინსტიტუტი. 26 ოქტომბერი 2015.