გველის მარწყვი

გველის მარწყვი (Duchesnea indica), მრავალწლოვანი ბალახოვანი სარეველა მცენარე ვარდისებრთა ოჯახისა. აქვს 30-100 სმ სიგრძის გართხმული ღერო, სამყურა ფოთლები, მარწყვის მსგავსი წითელი ნაყოფი. გველის მარწყვის სამშობლოა სამხრეთ-აღმოსავლეთ აზია. გავრცელებულია ევროპასა და ამერიკაში. საქართველოში გზადმოყოლილი მცენარეა და გვხვდება კოლხეთის დაბლობსა და მთისწინებზე, ძირითადად სუბტროპიკულ კულტურების რაიონებში, იშვიათად აღმოსავლეთ საქართველოშიც. ზოგგან მოშენებულია როგორც დეკორატიული მცენარე.

ლიტერატურა

• სახოკია მ., ქსე, ტ. 3, გვ. 139, თბ., 1978