აკა მორჩილაძე
| აკა მორჩილაძე | |
|---|---|
| დაბადების თარიღი | 1966, 10 ნოემბერი |
| დაბადების ადგილი | თბილისი |
| ფსევდონიმი | აკა მორჩილაძე |
| საქმიანობა | მწერალი, დრამატურგი |
| ეროვნება | საქართველო |
| პერიოდი | 1992– |
| ჟანრი | ეპიკური |
| თემატიკა | ქალაქური |
| მიმდინარეობა | პოსტმოდერნიზმი |
| დებიუტი | "გასეირნება ყარაბაღში", 1992 |
| Magnum opus | "სანტა ესპერანსა" (2004) |
|
გავლენა მოახდინეს
|
|
|
[http://ლიბ.გე ოფიციალური საიტი] |
|
აკა მორჩილაძე (ნამდვილი სახელი — გიორგი ახვლედიანი) (დ. 10 ნოემბერი, 1966) — ქართველი მწერალი და ისტორიკოსი.
სექციების სია |
ბიოგრაფია[რედაქტირება]
1988 წელს თბილისის სახელმწიფო უნივერსიტეტის ისტორიის ფაკულტეტი დაამთავრა. აქვე მუშაობს ბოლო 17 წლის განმავლობაში. ჰყავს მეუღლე და ორი შვილი. ადრეულ 90-იან წლებში პარალელურად იგი საპარლამენტო სხდომების მიმომხილველად მუშაობდა "რეზონანსი"-სთვის და სხვა რამდენიმე ბულვარული გაზეთისთვის; თვითონ თავს უვარგის ჟურნალისტს უწოდებს - "ჩვენთან მწერლად ყოფნა სულ სხვა რამეა,დანარჩენ მსოფლიოში კი, სულ სხვა. ამიტომ,მე მწერლად თავს ვერ ჩავთვლი.ჩემის მოკლე ჭკუით, ამას ისა სჯობს,რომ აღიარო,წერა მსიამოვნებს და ვწერ,ვინაიდან ამის უფლება ყველას აქვს-თქო."
მისი მთავარი ლიტერატურული ნამუშევრები რომანებია: "ფალიაშვილის ქუჩის ძაღლები" (1995), "მოგზაურობა ყარაბაღში" (1992), "აგვისტოს პასიანსი" (2001), "სხვანი" (2002), "შობის ღამის ალქაჯები" (2002), "სანტა ესპერანსა" (2004), მადათოვის ტრილოგია („გადაფრენა მადათოვზე და უკან", „გაქრები მადათოვზე", „ვეშაპი მადათოვზე") (1998-2004) და სხვ. რომანი "ფალიაშვილის ქუჩის ძაღლები" მოგვიანებით ადაპტირებულ იქნა პიესად და პირველად 1999 წელს დაიდგა სანდრო ახმეტელის თეატრში. მასში 1992-93 მძიმე წლების ქართული ცხოვრებაა აღწერილი. მისი წიგნები საქართველოში ბესტსელერებია (2003 წელს მას 15.000 ასლი ჰქონდა გაყიდული).
ხუთჯერ აქვს ლიტერატურული პრემია საუკეთესო რომანისთვის „საბა" 2003, 2005, 2006, 2010 და 2012 წლებში. 2010 წელს მისმა რომანმა „მამლუქმა" მიიღო ილიას უნივერსიტეტის პრემია წლის საუკეთესო რომანისთვის.
გამოცემები[რედაქტირება]
- მოგზაურობა ყარაბაღში. თბილისი, სულაკაური, 1992
- გადაფრენა მადათოვზე და უკან. თბილისი, სულაკაური, 1998, ISBN 99928-52-09-7
- ფალიაშვილის ქუჩის ძაღლები. თბილისი, სულაკაური, 1995,
- გაქრები მადათოვზე. თბილისი, სულაკაური, 2001, ISBN 99928-52-57-7
- სხვა. თბილისი, სულაკაური, 2002
- ძირს სიმინდის რესპუბლიკა. თბილისი, სულაკაური, 2003
- წიგნი. თბილისი, სულაკაური, 2003
- აგვისტოს პასიანსი: სანთლის შუქზე საკითხავი ბულვარული რომანი. თბილისი, სულაკაური, 2001, ISBN 99928-52-56-9
- მისტერ დიქსლის მდუმარე ყუთი თბილისი. თბილისი სულაკაური, 2005
- ვენერას სიზმარი. თბილისი, სულაკაური, 2005
- ქაღალდის ტყვია. თბილისი, სულაკაური, 2006
- მეიდ ინ ტიფლის (Maid in Tiflis). თბილისი, სულაკაური, 2007
- ძველი გულებისა და ხმლისა. თბილისი, სულაკაური, 2007
- მესაიდუმლის ქამარი. თბილისი, სულაკაური, 2009
- სანტა ესპერანსა. თბილისი, სულაკაური, 2004
- კაგდატა ინ ჯორჯია. თბილისი, საგა, 2008
- მამლუქი. თბილისი, სულაკაური, 2009
- შენი თავგადასავალი
- უდაბნოს გლახები
- მადათოვი. თბილისი, 2010
- შობა ღამის ალქაჯები, თბილისი, სულაკაური, 2011
- obOle, თბილისი, სულაკაური, 2011
ჯილდოები[რედაქტირება]
- 2003 - „საბა" საუკეთესო რომანისთვის
- 2005 - „საბა" საუკეთესო რომანისათვის „სანტა ესპერანსა"
- 2005 - „საბა" საუკეთესო რომანისათვის „ვენერას სიზმარი"
- 2008 - „საბა" საუკეთესო რომანისთვის „Maid in Tiflis"
- 2010 - ილიას უნივერსიტეტის პრემია წლის საუკეთესო რომანისთვის „მამლუქი"
- 2012 - „საბა" საუკეთესო რომანისათვის „obOle"
