რუსუდანი (დავით VI-ის ასული)

რუსუდანი (ბერძ. Ρουσαντάνα [რუსუდანა]) — დავით VI ნარინისა და მისი მეუღლის თეოდორა პალეოლოგის ასული, ტრაპიზონის კონსორტ-იმპერატრიცა, მანუელ დიდის მეორე მეუღლე (1223 — 1253 წწ.).

ბიოგრაფია

რუსუდანი დაიბადა დაახლ. 1242/1245 წელს საქართველოს მეფის დავით VI ნარინისა და მისი მეორე მეუღლის თეოდორა პალეოლოგის ოჯახში. ისტორიკოსთა ერთი ნაწილი თეოდორას მიხეილ VIII-ისა და თეოდორა დუკაინას ასულად მიიჩნევს, მეორე კი თვლის, რომ ის იოანე პალეოლოგისა და ტორნიკაინას შვილია.

არსებობს ვერსია, რომ რუსუდანი დავით VII ულუს ასულია. იმპერატრიცის დედა შეიძლება ყოფილი გვანცა დედოფალი, რადგან ჯიგდა-ხათუნის შვილების შესახებ არაფერია ცნობილი.

იმპერატრიცა

რუსუდანის შესახებ წერს ბერძენი ისტორიკოსი მიხაილ პანარეტოსი:

უბრწყინვალესი თეოდორა კომნენოსი, მანუელ დიდი კომნენოსისა და რუსუდან იბერიელის პირველი ასული.

რაც ნიშნავს იმას, რომ ის თეოდორა დიდის დედა იყო.

რუსუდანი გარდაიცვალა არაუგვიანეს 1260 წ. იმპერატრიცის გარდაცვალების შემდეგ მანუელმა ცოლად ირენა სირიკაინა მოიყვანა.