როზენის ცისთვალა

როზენის ცისთვალა
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ერთლებნიანები რიგი:  სატაცურისნაირნი ოჯახი:  სატაცურისებრნი გვარი:  ცისთვალა სახეობა:  როზენის ცისთვალა
ლათინური სახელი
Scilla rosenii K.Koch, 1849
სინონიმები
Othocallis rosenii (K.Koch) Speta, 1998 Othocallis koenigii (Fomin) Speta, 1998 Scilla koenigii Fomin, 1908
სისტემატიკა ვიკისახეობებში სურათები ვიკისაწყობში EOL   1082612 IPNI   541019-1 TPL   kew-288750

როზენის ცისთვალა (ლათ. Scilla rosenii) — მრავალწლოვანი ბალახოვანი მცენარე სატაცურისებრთა ოჯახისა. აქვს მოღუნული ყვავილის ყუნწი, თავდახრილი, ზოგჯერ სწორყუნწიანი ყვავილები. მაღალი, 10–40 სმ სიმაღლის ღერო. 2–4, მოყვანილობით ფართოხაზური და ქალამნის წვერივით დაბოლოებული ფოთოლი. დიდი ზომის, თავდაღუნული ყვავილი. უკან გადახრილი, მოყვანილობით მოგრძოლანცეტა, ღია ცისფერი, ქვევითკენ უფრო მკრთალი და თეთრი ყვავილსაფრის ფოთლები. ერთ თანაყვავილედადაა შეზრდილი ორი თანაყვავილი. ყვავის და ნაყოფმსხმოიარობს მაის-ივნისში. გავრცელებულია კავკასიასა და მცირე აზიაში. კავკასიის ეკორეგიონის ენდემია. საქართველოში თითქმის ყველა რეგიონში გვხვდება. იზრდება ტყის ზედა და სუბალპურ სარტყლებში — მდელოებზე, კლდეებზე. იყენებენ როგორც დეკორატიულ მცენარეს.