ცისთვალა

მასალა ვიკიპედიიდან — თავისუფალი ენციკლოპედია
Jump to navigation Jump to search
ცისთვალა
Scilla siberica R0015591.JPG
ციმბირული ცისთვალა
მეცნიერული კლასიფიკაცია
ლათინური სახელი
Scilla L., 1753

ცისთვალა (ლათ. Scilla) — მცენარეთა გვარი სატაცურისებრთა ოჯახისა. მრავალწლოვანი ბოლქვიანი ბალახებია. საყვავილე ღერძზე ერთი ან რამდენიმე ორსქესიანი, ზარისებრი, კაშკაშა ლურჯი, თეთრი, ცისფერი, მეწამული ან ვარდისფერი ყვავილი აქვს.

60-მდე სახეობა გავრცელებულია ხმელთაშუა ზღვისპირეთის ქვეყნებში. ყოფილ სსრკ-ის ტერიტორიაზე 13 სახეობა გვხვდება, საქართველოში — 8, მათგან ერთი სახეობა ენდემია. ცისთვალა ძირითადად გაზაფხულზე ყვავილობს.

იზრდება ბალახოვან ფერდობებზე, ბუჩქნარებში, ტყეებში, ტყის პირებზე, სუბალპურ და ალპურ მდელოებზე. საქართველოს ტყეებსა და ბუჩქებში უფრო ფართოდ ციმბირული ცისთვალაა (ლათ. S. sibirica) გავრცელებული. ცისთვალა დეკორატიული მცენარეა, ამ მხრივ განსაკუთრებით საყურადღებოა S. rosenii.

ლიტერატურა[რედაქტირება | წყაროს რედაქტირება]