ნიკომედია

ნიკომედიაში აღმოჩენილი სამკაული

ნიკომედია — ბითინიის დედაქალაქი უძველეს ხანაში, მდებარეობდა მარმარილოს ზღვის აღმოსავლთ სანაპიროზე (ახლანდელი იზმითის ადგილას, თურქეთში). დააარსა ნიკომედე I-მა ძვ. წ. 264 წელს. მას შემდეგ, რაც ბითინია რომის პროვინციად გამოცხადდა (ძვ. წ. 64 წ.), ნიკომედია გახდა პროვინციის მთავარი ქალაქი. ახ. წ. IV საუკუნეში იგი იყო რომის იმპერატორთა - დიოკლეტიანესა და კონსტანტინე I დიდის რეზიდენცია. უძველესი ხანიდან ნიკომედიას უდიდესი კულტურული მნიშვნელობა ჰქონდა, მას „ბითინიის ათენს“ უწოდებდნენ. ანტიკურ და ბიზანტიურ ხანაში იყო ვაჭრობისა და ხელოსნობის მნიშვნელოვანი ცენტრი. 1331 წელს დაიპყრეს ოსმალებმა.

ნიკომედიაში დაბადებულები

• პანტელეიმონ მკურნალი – მართლმადიდებელი და კათოლიკე წმინდანი
• არიანე – ძველი ბერძენი ისტორიკოსი და ფილოსოფოსი
• ადრიანე და ნატალია – მართლმადიდებელი და კათოლიკე წმინდანები
• მიქაელ ფსელოსი – ბიზანტიელი მწერალი, ფილოსოფოსი, პოლიტიკოსი და ისტორიკოსი

ნიკომედიაში გარდაცვლილები

• წმინდა გიორგი – წმინდანი
• პანტელეიმონ მკურნალი – წმინდანი
• თეოპემპტი ნიკომიდიელი – წმინდანი
• ბასილისა ნიკომიდიელი
• ანთიმოზ ნიკომიდიელი და მასთან სხვა მოწამეები
• 300 628 მოწამე
• ბაბილა ნიკომიდიელი და 84 ყრმა
• 80 წმინდანი ნიკომიდიას წამებულნი
• წმინდა იულიანა და მის თანა ხუთასი მამა და ასოცდაათი დედა, ნიკომიდიას წამებულნი
• 2000 ნიკომედიელი მოწამე
• ფილეტერ ნიკომიდიელი
• ილონა ზრინი

ნიკომედიელი ეპისკოპოსები

• ევსები ნიკომედიელი
• წმინდა კორნუტი

ლიტერატურა

• ქართული საბჭოთა ენციკლოპედია, ტ. 7, თბ., 1984. — გვ. 434.