WikiLeaks

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
WikiLeaks
Wikileaks logo.svg
ვიკილიკსის ლოგო
საიტი wikileaks.org
სლოგანი ჩვენ გავხსნით მთავრობებს
კომერციულობა არა
საიტის ტიპი დოკუმენტების არქივი
რეგისტრაცია არა
ხელმისაწვდომი ენა ინგლისური
მფლობელი Sunshine Press
შემქნელი ჯულიან ასანჟი
გაეშვა 4 ოქტომბერი 2006; 10 წლის წინ (2006-10-04)[1]
Alexa-ს რეიტინგი Increase2.svg 4,855 (აგვისტო, 2016)[2]
ამჟამინდელი სტატუსი აქტიური

ვიკილიქსი — საერთაშორისო არაკომერციული ჟურნალისტური[3][4][5] ორგანიზაცია, რომელიც აქვეყნებს ანონიმური წყაროებიდან მოპოვებულ, ჩვეულებრივ ხელმიუწვდომელ დოკუმენტებს.[6] მისმა ვებ-გვერდმა ფუნქციონირება დაიწყო 2006 წელს და ეკუთვნის The Sunshine Press-ს[7]. ამოქმედებიდან ერთ წელიწადში გვერდის მონაცემთა ბაზა შეიცავდა 1.2 მილიონ დოკუმენტს.[8]

თავად ორგანიზაციის განცხადებით, ის დააარსეს ჩინელმა დისიდენტებმა, ასევე ჟურნალისტებმა, მათემატიკოსებმა და პროგრამისტებმა აშშ-დან, ტაივანიდან, ევროპიდან, ავსტრალიიდან, სამხრეთი აფრიკიდან. გაზეთ The New Yorker-ის 2010 წლის 7 ივნისის ცნობით, ორგანიზაციის დირექტორი არის ავსტრალიელი მათემატიკოსი, პროგრამისტი და ინტერნეტ-აქტივისტი – ჯულიან ასანჟი.

ვიკილიქსს 2008 წელს მიღებული აქვს Economist magazine-ის ჯილდო, რომელიც გადაეცემა ახალ მედია-საშუალებებს; ასევე უფლებადამცველი ორგანიზაციის Amnesty International-ის ჯილდო პუბლიკაციისთვის: „კენიაში ადამიანის უფლებათა მდგომარეობის შესახებ“, 2009 წელს; 2010 წელს კი გაზეთმა New York Daily-მ ვიკილიქსი დაასახელა იმ ვებ-გვერდებს შორის, რომლებმაც, შესაძლოა, სრულიად შეცვალონ ახალი ამბები.

2010 წლის აპრილში ვიკილიქსმა გამოაქვეყნა ვიდეო, რომელიც ასახავდა 2007 წელს მომხდარ ინციდენტს, სადაც აშშ-ს სამხედროები ხოცავენ მშვიდობიან ერაყელებს. ამავე წლის ივლისში გამოაქვეყნა „ავღანეთის ომის დღიური“, რომელიც წარმოადგენდა 76,900 დოკუმენტის კომპილაციას ომის შესახებ.[9] ეს დოკუმენტები მანამდე ხელმიუწვდომელი იყო. ოქტომბერში, მსხვილ მედია-ორგანიზაციებთან თანამშრომლობის შედეგად, გამოქვეყნდა 400 000 დოკუმენტი, სახელწოდებით „ერაყის ომის ჩანაწერები“.

თავდაპირველად ვიკილიქსი დაგეგმილი იყო მომხმარებელთა მიერ რედაქტირებად ვებ-გვერდად, მაგრამ ჩამოყალიბდა ტრადიციული ფორმით. მას არ აქვს მომხმარებელთა კომენტარების ფუნქცია. სახელწოდების მსგავსების მიუხედავად მას არაფერი აქვს საერთო ვიკიპედიასთან. ორივე რესურსის სახელწოდება დაკავშირებულია ჰავაურ ენასთან, რომელზედაც wiki ნიშნავს „სწრაფს“, Leaks-ი კი ინგლისურად ნიშნავს „გაჟონვას“ – ანუ wikiLeaks-ი ნიშნავს „სწრაფად გამოჟონილ [ინფორმაციას]“. ორგანიზაციის სლოგანია „ჩვენ გავხსნით მთავრობებს“.

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება | წყაროს რედაქტირება]

  1. Wikileaks Mirrors. WikiLeaks (24 აგვისტო, 2012). დაარქივებულია ორიგინალიდან - 11 ოქტომბერი, 2012. წაკითხვის თარიღი: 11 ოქტომბერი, 2012.
  2. Wikileaks.org Site Info. Alexa Internet. დაარქივებულია ორიგინალიდან - 4 დეკემბერი, 2011. წაკითხვის თარიღი: 28 აგვისტო, 2016.
  3. By David Dishneau The Associated Press. Harvard prof may be defense's last witness at WikiLeaks trial | Army Times. armytimes.com. წაკითხვის თარიღი: 2 მარტი, 2014.
  4. curmudgeonvt. (10 July 2013) Pentagon Agreed: WikiLeaks a Journalistic Outlet - News from Antiwar.com. News.antiwar.com. დაარქივებულია ორიგინალიდან - 22 აპრილი, 2014. წაკითხვის თარიღი: 2 მარტი, 2014.
  5. Global journalists' union supports Wikileaks. Alliance.org.au (16 ივლისი, 2013). დაარქივებულია ორიგინალიდან - 31 დეკემბერი, 2013. წაკითხვის თარიღი: 2 მარტი, 2014.
  6. Editors, The. “WikiLeaks – The New York Times“, Topics.nytimes.com, 16 აგვისტო, 2012. წაკითხვის თარიღი: 24 აგვისტო, 2012. 
  7. Chatriwala, Omar. (5 აპრილი, 2010) WikiLeaks vs the Pentagon. Al Jazeera blog. დაარქივებულია ორიგინალიდან - 9 თებერვალი, 2014. წაკითხვის თარიღი: 27 იანვარი, 2011.
  8. Wikileaks has 1.2 million documents?. WikiLeaks. დაარქივებულია ორიგინალიდან - 16 თებერვალი, 2008. წაკითხვის თარიღი: 28 თებერვალი, 2008.
  9. WikiLeaks to publish new documents“, MSNBC, 7 აგვისტო, 2010. წაკითხვის თარიღი: 5 დეკემბერი, 2010. დაარქივებულია ორიგინალიდან - 5 დეკემბერი, 2010. 
მოძიებულია „https://ka.wikipedia.org/w/index.php?title=WikiLeaks&oldid=3364951“-დან