Oxygène 7–13 — ფრანგი ელექტრონული მუსიკოს ჟან-მიშელ ჟარის1997 წლის სტუდიური ალბომი. ეს არის 1976 წლის დისკით Oxygène დაწყებული ციკლის გაგრძელება. აქ ისევ გამოიყენება ჟარის ძველი სინთეზატორი. ამასთან, რიგი კომპოზიციებისა, განსხვავებით წინა ალბომისგან, უფრო საცეკვაო მუსიკის ხასიათისაა.
როგორც წესი, Oxygène 7–13-ს არ ეძლევა ისეთივე მაღალი შეფასება, როგორც მის წინამორბედ Oxygène-ს, მაგრამ მას დიდი წარმატება ხვდა წილად, განსაკუთრებით, მოყვარულთა რიგებში. დღეისათვის არის ჟარის უკანასკნელი ალბომი, ჩაწერილი ჩვეულ სტილისტიკაში (თუ არ ჩავთვლით Oxygène: New Master Recording-ს). ამ პრინციპით, იკვრება ალბომების ციკლი. ამასთან ერთად, Oxygène 7–13 არის ჟარის უკანასკნელი ალბომი, ჩაწერილი მიშელ გეისის მონაწილეობით.
Oxygène 7, Oxygène 8 და Oxygène 10 გამოიცა სინგლების სახით. აგრეთვე გამოიცა მათი და სხვა კომპოზიციების რემიქსები, რომელთა ნაწილი შეტანილია დისკში Odyssey Through O2. პროექტმა The Orb ასევე ჩაწერა Oxygène 8-ის რემიქსი TOxygène, მაგრამ კომპოზიცია არ იქნა გამოცემული, ვინაიდან, ჟარის აზრით, ის ზედმეტად შორს იდგა ორიგინალი ვერსიისგან.
