17473 Freddiemercury

მასალა ვიკიპედიიდან — თავისუფალი ენციკლოპედია
Jump to navigation Jump to search
17473 Freddiemercury

სხვა სახელები 1991 FM3
აღნიშვნა 17473
აღმოჩენა
აღმომჩენი ანრი დებეონი
აღმოჩენის ადგილი ლა-სილიის ობსერვატორია
აღმოჩენის თარიღი 21 მარტი, 1991
ორბიტალური მახასიათებლები
აფელიუმი 2.7604
პერიჰელიუმი 2.0187
ორბიტის ექსცენტრისიტეტი (e) 0.1552
დახრილობა (i) 0.9123°
ფიზიკური მახასიათებლები
ზომები 3.435±0.374 კმ
ბრუნვის პერიოდი (T) 3.69 წელი

17473 Freddiemercury, დროებითი აღნიშვნით 1991 FM3 — 3.4 კმ დიამეტრის მქონე კაშკაშა ასტეროიდი ასტეროიდთა სარტყლის შიდა რეგიონში. 1991 წლის 21 მარტს, ევროპის სამხეთული ობსერვატორიის ლა-სილიის ობსერვატორიაში (ჩილე) აღმოაჩინა ბელგიელმა ასტრონომმა ანრი დებეონმა.[1]

ასტეროიდი მზიდან 2,0–2,8 ასტრონომიული ერთეულის მოშორებით მდებარეობს და მის გარშემო ერთ შემოვლას 3 წელსა და 8 თვეს ანდომებს (1349 დღე). ორბიტის ექსცენტრიულობა 0,16-ია, ეკლიპტიკისადმი დახრილობა კი 1°.[2] ასტეროიდის პირველი დაკვირვება მის აღმოჩენამდე 9 წლით ადრე, 1982 წელს, ყირიმის ასტროფიზიკურ ობსერვატორიაში მოხდა.[1] NASA-ს Wide-field Infrared Survey Explorer-ის მისია NEOWISE-ის მოხსენების თანახმად, ასტეროიდის დიამეტრი 3,4 კილომეტრია, ზედაპირის ალბედო კი 0,313.[3] 2016 წლისთვის, ასტეროიდის შემადგენლობა, ისევე როგორც როტაციის პერიოდი და ფორმა, უცნობი რჩება.[2]

2016 წლის 5 სექტემბერს, საერთაშორისო ასტრონომიულმა კავშირმა და მცირე პლანეტათა ცენტრმა, მომღერალ ფრედი მერკურის პატივსაცემად, ასტეროდის მისი სახელი, Freddiemercury უწოდა. აღსანიშნავია, რომ მისი აღმოჩენა სწორედ მომღერლის გარდაცვალების წელს მოხდა,[4] დროებითი სახელი კი მის ინიციალებს შეიცავდა. სახელის დარქმევის შესახებ საზოგადოებას Queen-ის ყოფილმა წევრმა, ინგლისელმა მომღერალმა და ასტროფიზიკოსმა ბრაიან მეიმ ამცნო შვეიცარიაში, მონტროს კაზინოში, მომღერლის 70 წლისთავისადმი მიძღვნილ საღამოზე.[5][6]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 17473 (1991 FM3). Minor Planet Center. წაკითხვის თარიღი: 6 September 2016.
  2. 2.0 2.1 JPL Small-Body Database Browser: 17473 (1991 FM3). Jet Propulsion Laboratory. წაკითხვის თარიღი: 6 September 2016.
  3. Masiero, Joseph R.; Mainzer, A. K.; Grav, T.; Bauer, J. M.; Cutri, R. M. და სხვები. (November 2012). "Preliminary Analysis of WISE/NEOWISE 3-Band Cryogenic and Post-cryogenic Observations of Main Belt Asteroids". The Astrophysical Journal Letters 759 (1): 5. arXiv:1209.5794. Bibcode 2012ApJ...759L...8M. . http://adsabs.harvard.edu/cgi-bin/bib_query?bibcode=2012ApJ...759L...8M. წაკითხვის თარიღი: 6 September 2016.
  4. MPC/MPO/MPS Archive. Minor Planet Center. წაკითხვის თარიღი: 6 September 2016.
  5. Freddie Mercury: Asteroid named after late Queen star to mark 70th birthday“, BBC News, 6 September 2016. 
  6. A shooting star leaping through the sky: asteroid named after Freddie Mercury on '70th birthday'“, Telegraph, 5 September 2016.