ჰენდრიკ პეტრუს ბერლაგე

მასალა ვიკიპედიიდან — თავისუფალი ენციკლოპედია
Jump to navigation Jump to search
ჰენდრიკ პეტრუს ბერლაგე
Berlage.jpg
პირადი ინფორმაცია
დაბ. თარიღი 21 თებერვალი 1856(1856-02-21)[1] [2] [3] [4] [5] [6]
დაბ. ადგილი ამსტერდამი, ნიდერლანდები[7]
გარდ. თარიღი 12 აგვისტო 1934(1934-08-12)[7] [2] [3] [4] [5] [6] (78 წლის)
გარდ. ადგილი ჰააგა, ნიდერლანდები[7]
ნამუშევრები და მიღწევები
საქმიანობა არქიტექტორი და ქალაქთმშენებელი
მოქალაქეობა Flag of the Netherlands.svg ნიდერლანდების სამეფო
მიმართულება საზოგადოებრივი ხელოვნება
ალმა-მატერი ციურიხის შვეიცარიის უმაღლესი ტექნოლოგიური სკოლა
მნიშვნელოვანი პროექტები ბერლაგებრუგი
ჯილდოები სამეფო ოქროს მედალი
შვილ(ებ)ი Hendrik Petrus Berlage

ჰენდრიკ პეტრუს ბერლაგე (ნიდერლ. Hendrik Petrus Berlage დ. 21 თებერვალი, 1856, ამსტერდამი — გ. 12 აგვისტო, 1934, ჰააგა) — ჰოლანდიელი არქიტექტორი,

ბიოგრაფია[რედაქტირება | წყაროს რედაქტირება]

ბერლაგე არქიტექტურას სწავლობდა ციურიხის ტექნოლოგიურ ინსტიტუტში 1875-78 წლებში. ამის შემდეგ 3 წელი ევროპაში მოგზაურობდა. 1880 წელს, ჰოლანდიაში მან თეოდორ სანდერსთან პარტნიორობით შექმნა რიგი პრაქტიკული და უტოპიური პროექტებისა. იყო მოდერნისტ არქიტექტორთა საერთაშორისო კონგრესის წევრი. ბერლაგე განიცდიდა ნეო-რომანული აგურის არქიტექტურის და კატალონიური მოდერნიზმის გავლენას. აშკარად შეიმჩნევა ამსტერდამის სავაჭრო ბირჟის შენობაში, რომელშიც ის ასევე ეყრდნობა ვიოლე ლე დიუკის იდეებს. ბერლაგეს 1911 წლის ვიზიტმა აშშ-ში ძლიერად იმოქმედა მის შემოქმედებაზე. ფრენკ ლლოიდ რაიტის ორგანული არქიტექტურა მნიშვნელოვან ზემოქმედებას ახდენს მის შემდგომ მოღვაწეობაზე. მისმა ლექციებმა, ევროპაში დაბრუნების შემდეგ, ხელი შეუწყო რაიტის იდეების გერმანიაში გავრცელებას. ბერლაგე აღიარებული იყო ჰოლანდიის მოდერნისტული არქიტექტურის მამად და ტრადიციონალისტებსა და მოდერნისტებს შორის შუამავლად. მისმა თეორიებმა ბევრი ჰოლანდიური დაჯგუფება შთააგონა მე-20 საუკუნის 20-იან წლებში, როგორებიცაა ტრადიციონალისტები, ამსტერდამის სკოლა, დე სტილი და ახალი ობიექტივისტები. მან მიიღო ბრიტანეთის სამეფო არქიტექტტურული ინსტიტუტის ოქროს მედალი 1932 წელს.

ბერლაგე გარდაიცვალა ჰააგაში 1932 წელს. 1970 წელს საერთაშორისო ასტრონომიულმა კავშირმა მთვარის ერთ-ერთ კრატერს მისი სახელი მიანიჭა.

მისი მთავარი ნამუშევრებია:

  • ამსტერდამის სავაჭრო ბირჟა
  • ამსტერდამის განვითარების გეგმა
  • ბერლაგეს ხიდი ამსტერდამში
  • ჰოლანდიური სახლი, ბიური სტრიტზე ლონდონში
  • წმ. ჰუბერტუსლოტი რომელიც წარმოადგენს კრიოლერ-მიულერის მუზეუმის ნაწილს
  • გემენტემუზეუმი ჰააგაში

1990 წელს ჰოლანდიელმა არქიტექტორმა ჰერცბერგერმა დააარსა ბერლაგეს ინსტიტუტი რომელიც 2012 წელს გადავიდა დელფტის ტექნოლოგიურ უნივერსიტეტში, სადაც აგრძელებს მუშაობას როგორც წამყვანი ცენტრი არქიტექტურის და ქალაქგეგმარების კვლევების დარგში.

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება | წყაროს რედაქტირება]