ჰავანის უნივერსიტეტი

ჰავანის უნივერსიტეტი
დაფუძნდა	5 იანვარი, 1728 (1728-01-05)
დამფუძნებელი (-ები)	ინოკენტი XIII
ტიპი	საჯარო
რექტორი	გუსტავო კობრეირო სუარესი
სტუდენტი	60 000
მდებარეობა	ჰავანა
ქალაქი	ჰავანა
ქვეყანა	კუბა
კავშირები	ფრანკოფონიის საუნივერსიტეტო კავშირი და Consejo Superior Universitario Centroamericano
uh.cu

ჰავანის უნივერსიტეტი (ესპ. Universidad de La Habana) — სახელმწიფო უნივერსიტეტი კუბაში, ქალაქ ჰავანაში. დაარსდა 1728 წელს როგორც კათოლიკური უნივერსიტეტი. წარმოადგენს კუბის უძველეს უმაღლეს სასწავლებელს. უნივერსიტეტს დღეისათვის გააჩნია 15 ფაკულტეტი, სადაც 60 ათასი სტუდენტი სწავლობს. თავდაპირველად უნივერსიტეტს ეწოდებოდა რეალ-ი-პონტიფიკია-უნივერსიდად-დე-სან-იერონიმო-დე-ლა-ჰაბანა, რაც ესპანურიდან ითარგმნება როგორც წმინდა იერონიმის სამეფო და საპაპო უნივერსიტეტი. იგი გაიხსნა ფილიპე V-ისა და ინოკენტი XIII-ის განკარგულებით. 1842 წელს უნივერსიტეტმა შეიცვალა სტატუსი და მოსწავლე სტუდენტებისთვის დაწესდა საერო განათლება. რამდენიმეჯერ გადაკეთდა, პირველად შეიქმნა ძველ ჰავანაში, სახელწოდებით სან-ხუან-დე-ლეტრანი, ხელმეორედ გადაკეთდა 1902 წლის 1 მაისს და იგი გადაიტანეს ჰავანის რაიონ ვედადოში. შენობის ინტერიერი მორთულია არამანდო მენოკალის მიერ, სადაც 7 ფრესკაზე სიმბოლურად არის გამოსახული მედიცინის, ხელოვნების, აზროვნების, ლიტერატურის, სამართლისა და სხვ. დარგები.

უნივერსიტეტის მთავარ შესასვლელთან არის ალმა-მატერის ბრონზის სტატუა, რომელიც შექმნა მარიო კორბელმა 1919 წელს.

ჰავანის უნივერსიტეტში არის 15 ფაკულტეტი და 14 სამეცნიერო-კვლევით ცენტრი ეკონომიკის, ბუნებისმეტყველების, სოციალურ და ჰუმანიტარულ დარგებში.

ცნობილი სტუდენტები

ჰავანის უნივერსიტეტში სხვადასხვა დროს სწავლობდნენ:

• ფიდელ კასტრო
• რაულ კასტრო
• რამონ გრაუ
• ანტონიო ნუნიეს ხიმენესი
• ხოსე ლესამა ლიმა
• ხოსე მარია ერედია

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 587.

რესურსები ინტერნეტში

• შეგიძლიათ იხილოთ მედიაფაილები თემაზე „ჰავანის უნივერსიტეტი“ ვიკისაწყობში.
• ჰავანის უნივერსიტეტი (ესპანური)
• ჰავანის უნივერსიტეტი დაარქივებული 2011-12-07 საიტზე Wayback Machine. (ინგლისური)