წიგნების თარო

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
წიგნების თარო
Tsignebis taro.png
ჟანრი ლიტერატურული
ფორმატი შოუ, ლიტერატურული კონკურსი
ავტორი ნინო კელაურიძე
სცენარი Toresa Mossy, ალექსანდრე ლორთქიფანიძე
რეჟისორი მაკა როსტიაშვილი
წამყვანი ალექსანდრე ლორთქიფანიძე
ქვეყანა საქართველოს დროშა საქართველო
ენა ქართული
სეზონი 4 (მიმდინარე)
კომპანია
აღმასრულებელი პროდიუსერ(ებ)ი თამარ ჭინჭარაული
მონტაჟი გელა არჯევნიშვილი
ხანგრძლივობა 40-45 წუთი
ეთერი
ორიგინალური არხი პირველი არხი
პირველად ეთერში 16 იანვარი, 2015
საიტი 1tv.ge/tsignebis-taro/

„წიგნების თარო“— სატელევიზიო ფორმატის ორიგინალური ქართული თამაში. პირველი ფორმატი 2015 წელს შეიქმნა და პირველი არხის ეთერში ჩაეშვა. ამჟამად (2018) ეთერში უკვე მეოთხე სეზონი გადის, სადაც სკოლის მოსწავლეები ერთმანეთს ლიტერატურული ნაწარმოებების, პერსონაჟის, ავტორის და ლიტერატურასთან დაკავშირებული სხვა ელემენტების გამოცნობაში ეჯიბრებიან. თამაშში რჩეული 32 სკოლის გუნდი მონაწილეობს. თითოეულ გუნდში სამი, მე-10, მე-11, ან მე-12 კლასის მოსწავლეა.

შოუს აქვს ტრადიციული პრიზი — გამარჯვებული გუნდი კემბრიჯში, საზაფხულო სკოლაში მიემგზავრება. მეოთხე სეზონიდან კი გამარჯვებულ გუნდთან ერთად წავა ერთი რჩეული მოთამაშე, რომელსაც მაყურებელი გამოავლენს.

წიგნების თარო თავის მაყურებლებს მუდმივად სთავაზობს სხვადასხვა სახის ინტერაქციულ ჩართულობას ონლაინ-პლატფორმის მეშვეობით. გარდა იმისა, რომ თავად გადაცემაში ერთი კითხვა მაყურებლებს ეკუთვნით, სამი სეზონის განმავლობაში წარმოებდა ასევე ბლოგების კონკურსი, რომლის გამარჯვებული ექვსეულიც ბონუს თამაშში იღებდა მონაწილეობას. მეოთხე სეზონიდან კი ბლოგების კონკურსი ლიტერატურულ კონკურსად გარდაიქმნა.

2017 წელს „წიგნების თარომ“ წამოიწყო ლიტერატურული პროექტი, რომლის მეშვეობითაც გამოვლინდა მოსწავლეების საყვარელი 21-ე საუკუნის ქართული წიგნი. წიგნების თაროს ორგანიზებით, პროექტის გუნდის წევრები ხშირად ატარებენ ლექციებს სხვადასხვა მნიშვნელოვან თემაზე. მეოთხე სეზონის პარალელურად, წიგნების თარომ გადაწყვიტა მოემზადებინა ლექციების ციკლი, რომელიც საქართველოს რეგიონებში ტარდებოდა. ლექციები შეეხება სხვადასხვა მნიშვნელოვან, აქტუალურ და საინტერესო თემებს, რომლებიც მჭიდროდაა დაკავშირებული ჩვენს რეალობასთან და მნიშვნელოვანი ადგილი უკავია ასევე ლიტერატურაში.

ამ დროის განმავლობაში გადაცემას უკვე ჰყავს 300-ზე მეტი მონაწილე. შოუ გრძელდება ერთი სატელევიზიო სეზონის განმავლობაში, ოლიმპიური სისტემით.

ფორმატი[რედაქტირება | წყაროს რედაქტირება]

პირველი ეტაპი[რედაქტირება | წყაროს რედაქტირება]

პირველ ეტაპზე გუნდები 9 ლიტერატურულ რაუნდს თამაშობენ. კითხვის დასმისთანავე გაცემული თითოეული სწორი პასუხი 3 ქულით ფასდება, დამატებითი დროის განმავლობაში გამოცნობის შემთხვევაში - 2 ქულით, ხოლო თუ ამის შემდეგ პასუხის გასაცემად წამყვანის მინიშნება გახდა საჭირო - სწორი პასუხი 1 ქულით შეფასდება.

მეორე ეტაპი[რედაქტირება | წყაროს რედაქტირება]

მეორე ეტაპი სამი რაუნდისგან შედგება, სადაც მოთამაშეები ინდივიდუალურად ეჯიბრებიან ერთმანეთს ხელოვნებაში, მეცნიერებასა და სპორტში. კითხვის დასმისთანავე გაცემული სწორი პასუხი ფასდება 2 ქულით, დამატებითი დრო და წამყვანის მინიშნება ამ ეტაპზე არ მოქმედებს.

მესამე ეტაპი[რედაქტირება | წყაროს რედაქტირება]

მესამე ეტაპით თამაშს ასრულებს ბლიც-ტური - ბლიცში მხოლოდ ერთი მოსწავლე მონაწილეობს, რომელსაც გუნდი თავად ირჩევს. მისი ამოცანაა რაც შეიძლება მეტ კითხვას უპასუხოს ერთი წუთის განმავლობაში. თითოეული სწორი პასუხი ფასდება 1 ქულით. გამარჯვებულია ის გუნდი, რომელიც ჯამურად მეტ ქულებს დააგროვებს.

საჩუქრები[რედაქტირება | წყაროს რედაქტირება]

პროექტის მონაწილეები წიგნებით, პლანშეტებით, ვაუჩერებით და სხვადასხვა პრიზით საჩუქრდებიან, პროექტის გამარჯვებული გუნდი კი დიდ ბრიტანეთში, კემბრიჯის საზაფხულო სკოლაში მიემგზავრება.

რესურსები ინტერნეტში[რედაქტირება | წყაროს რედაქტირება]