რა? სად? როდის? (ტელეგადაცემა)

მასალა ვიკიპედიიდან — თავისუფალი ენციკლოპედია
Jump to navigation Jump to search

სატელევიზიო რა? სად? როდის? — ინტელექტუალური თამაშის „რა? სად? როდის?“ სატელევიზიო ნაირსახეობა, როდესაც მოაზროვნეთა გუნდი თამაშობს ტელემაყურებლების წინააღმდეგ. სატელევიზიო გადაცემის შექმნის თარიღად მიჩნეულია 1975 წლის 4 სექტემბერი, როდესაც ის პირველად გავიდა ეთერში საბჭოთა კავშირის ტელევიზიის პირველი არხით. ამჟამად საავტორო უფლებას სატელევიზიო ფორმატზე ფლობს „პროდიუსერული ცენტრი Игра-ТВ“ (რუსეთი).

თამაშში მონაწილობას იღებს 6 მოთამაშე („მოაზროვნე“), რომლებიც პასუხობენ ტელემაყურებლთა მიერ დასმულ კითხვებს. სპორტული რა? სად? როდის?-გან განსხვავებით სატელევიზიო „რა? სად? როდის?“-ის კითხვები მეტწილად წარმოადგენს არატრივიალურ ლოგიკურ გამოცანებს, რომელებიც არ საჭიროებენ განსაკუთრებულ ან პროფესიონალურ ცოდნას (მხოლოდ ბაზისურ გათვითცნობიერებას).

წესები, პრიზები და მოთამაშეები იცვლებოდა დროის მანძილზე. 1991 წლამდე პრიზების სახით რიგდებოდა ფასეული წიგნები. 1991 წელს რუსულმა გადაცემამ იცვალა სახე და გადაკეთდა „ინტელექტუალურ კაზინოდ“, სადაც „მოაზროვნეები“ წინასწარ დებდნენ ფსონებს კითხვის გამოცნობაზე. ამ პრინციპმა უარყოფითი დამოკიდებულება გამოიწვია ტელემაყურებელში, რის გამოც 2001 წლიდან მოთამაშეები ფულზე აღარ თამაშობენ.

საქართველოს კლუბი „რა? სად? როდის?“ დაარსდა 1994 წლის დეკემბერში. სხვადასხვა დროს ქართულ ტელეეთერში გადიოდა „რა? სად? როდის?“ ფორმატის 3 პროექტი:

1996–2002 წლებში უძლიერეს ინტელექტუალებს ენიჭებოდათ ტიტული „მოაზროვნე“ და გადაეცემოდათ „ბრინჯაოს მოაზროვნე“. 2008 წლიდან ტერმინი „მოაზროვნე“ დამკვიდრდა, როგორც რუსული „ზნატოკის“ ქართული ეკვივალენტი, ამიტომ ამჟამად სატელევიზიო რა? სად? როდის?-ის ყველა მოთამაშეს ეწოდებათ „მოაზროვნე“, საუკეთესოებს კი გადაეცემათ „ბროლის ბუ“.

2009 წლის დეკემბერში გაჩნდა ინფორმაცია, რომ სატელევიზიო ”რა? სად? როდის”-ის ვერსია გავა ABC-ის ეთერშიც, რომელსაც Jeopardy!-ს და სხვა ინტელექტუალური თამაშების შემქმნელი ცნობილი კომპანია Merv Griffin Entertainment განახორციელებს.[1]

„ბრინჯაოს მოაზროვნეს“ მფლობელები[რედაქტირება | წყაროს რედაქტირება]

  • 1996 — ზურაბ მაღრაძე
  • 1997 — გიორგი ბაქრაძე, ლაშა კილაძე
  • 1998ნიკა გვარამია, ცოტნე მირცხულავა
  • 1999 — გედევან ფოფხაძე, დავით ჭოჭუა
  • 2000 — ირაკლი თოდრია
  • 2001 — მიხეილ ბრეგვაძე, ნიკა გვარამია, გიორგი ბაქრაძე
  • 2002 — ლაშა კილაძე, ვახტანგ ელერდაშვილი, გიორგი ლაშხი
  • 2003–2007 — პროექტი ეთერში არ გადიოდა

„ბროლის ბუს“ მფლობელები[რედაქტირება | წყაროს რედაქტირება]

  • 2008 — ია მეტრეველი, სერგი კაპანაძე
  • 2009 — ოთარ საბაშვილი, ბესიკ ბუთურიშვილი
  • 2010 — ვახტანგ ელერდაშვილი, დავით რაფავა, თეიმურაზ პაპასქირი
  • 2011 — ანდრო სოლოღაშვილი, გიორგი ბაქრაძე
  • 2012 — სერგო თევდორაძე, გაგი გაბრიჭიძე
  • 2013 — მაია ლოლაშვილი, დავით სიჭინავა, ზურაბ ფარჯიანი, ილია რევია
  • 2014 — დავით სიჭინავა, დავით ლომინაძე
  • 2015 — რატი შუბლაძე, ირინა ფრუიძე

„ინტელექტ-კლუბის მაგისტრის“ ტიტული[რედაქტირება | წყაროს რედაქტირება]

  • 2012 — გიორგი ბაქრაძე

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]