შანხაი მასტერსი (სნუკერი)

შანხაი მასტერსი — სნუკერის პროფესიონალური რეიტინგული ტურნირი.

ტარდება 2007/08 წლების სეზონიდან. წარმოადგენს მეორე რეტინგულ ტურნირს China Open-ის შემდეგ, რომელიც ტარდება ჩინეთში. როგორც ჩინეთის ღია ჩემპიონატში, შანხაი მასტერში არის უაილდ-კარდ რაუნდი, რომელშიც მონაწილეობას იღებს რვა ჩინელი სნუკერისტი და რვა მოთამაშე, რომლებმაც კვალიფიკაცია გაიარეს. ამ სტადიის გამარჯვებულები შედიან ტურნირის ძირითად ბადეში, რომელიც იწყება 1/16 ფინალით, შემდგომ — ოლიმპიური სისტემით.

საპრიზო ფონდი

შანხაი მასტერსის პირველი გათამაშებისას საპრიზო ფონდმა შეადგინა 250 000 ფუნტი სტერლინგი. გამარჯვებულმა, დომინიკ დეილმა, მიიღო 48 000 £. შემდგომ საპრიზო ფონდი თანდათანობით იზრდებოდა და 2011 წლისთვის შეადგინა 361 000 £ (გამარჯვებულს — 65 000). 2007—2010 წლებში ტურნირის სპონსორი იყო კომპანია Roewe, 2011 წლიდან — Bank of Communication.

2007 წელს WPBSA-სთან მოწერილი ხუთწლიანი კონტრაქტის თანახმად, ყველა ხარჯს ფარავენ ჩინური პრომოუტერები.

რეიტინგული ქულები

პირველი სამი სეზონის განმავლობაში რეიტინგული ქულების დარიცხვის სისტემა ერთნაირი იყო — გამარჯვებულს 5000 ქულა, ფინალისტს — 4000. 2009/10 წლების სეზონიდან ქულების დარიცხვის სისტემა შეიცვალა: გამარჯვებული იღებს 7000 ქულას, ფინალისტი — 5600-ს.

ფორმატი

• მთავარი ბადე — 16 მოთამაშე ტოპ-16-დან პლუს 16 კვალიფიცირებულებიდან
• 1/16—1/4 ფინალი — მატჩები 5 გამარჯვებამდე
• 1/2 ფინალი — მატჩები 6 გამარჯვებამდე
• ფინალი — მატჩი 10 გამარჯვებამდე

გამარჯვებულები

წელი	გამარჯვებული	ანგარიში	ფინალისტი	სეზონი
2007	დომინიკ დეილი	10:6	რაიან დეი	2007/08
2008	რიკი უოლდენი	10:8	რონი ო’სალივანი	2008/09
2009	რონი ო’სალივანი	10:5	ლიან ვენბო	2009/10
2010	ალისტერ კარტერი	10:7	ჯეიმი ბერნეტი	2010/11
2011	მარკ სელბი	10:9	მარკ უილიამსი	2011/12
2012	ჯონ ჰიგინსი	10:9	ჯად ტრამპი	2012/13
2013	დინ ჯუნხუი	10:6	სიაო გოდუნი	2013/14
2014	სტიუარტ ბინემი	10:3	მარკ ალენი	2014/15

რესურსები ინტერნეტში

• ინფორმაცია ტურნირის შესახებ კრის ტერნერის არქივში დაარქივებული 2012-02-16 საიტზე Wayback Machine. (ინგლისური)