შავი ყარაულა

მასალა ვიკიპედიიდან — თავისუფალი ენციკლოპედია
Jump to navigation Jump to search
შავი ყარაულა
Black bittern (Ixobrychus flavicollis).jpg
მეცნიერული კლასიფიკაცია
ლათინური სახელი
Ixobrychus flavicollis (Latham, 1790)
დაცვის სტატუსი
Status iucn3.1 LC ka.svgსაჭიროებს ზრუნვას
ყველაზე ნაკლები საფრთხის ქვეშ
IUCN 3.1 Least Concern : 22697334

შავი ყარაულა (ლათ. Ixobrychus flavicollis) — ფრინველი ყანჩისებრთა ოჯახისა. მცირე ზომის ფრინველია, აქვს წაგრძელებული ტანი, გრძელი კისერი და კონუსისებრი, ბასრი ნისკარტი. ფეხებიც გრძელია, შეუბუმბულავი; კუდი მოკლე. სხეულის სიგრძეა 55–65 სმ, ფრთის შლილი 80 სმ, ფრთის სიგრძე 21,5–23,8 სმ, კუდისა 7,5–9 სმ. ნისკარტი სიგრძეში 7,5–8,3 სმ-ია. მასა 300–420 შეადგენს.[1]. სახელიდან გამომდინარე, შეფერილია მთლიანად მუქ ფერად, რუხიდან შავამდე, ყვითელ-წითური წანაცხებებით ყელზე. თავის გვერდებზე და კისერზე აქვს ღია ყვითელი გრძივი ზოლები. ფეხები და ნისკარტი მუქი რუხია. დედალი და მამალი თითქმის ერთნაირები არიან, იმის გამოკლებით, რომ დედალი უფრო მკრთალია და სხეულის ქვედა ნაწილზე მონაცვლეობითი ყვითელი, თეთრი და შავი ფერის ზოლები გასდევს.[1] გავრცელებულია სამხრეთ, სამხრეთ-აღმოსავლეთ და ნაწილობრივ აღმოსავლეთ აზიის ტროპიკულ ზონებში, ასევე ავსტრალიაში, ახალ გვინეაზე და მელანეზიის ნაწილში. ბინადრობს წყალსატევებთან ახლოს, რომლის ნაპირებზეც ლელქაში და ბუჩქნარია გაზრდილი. ძირითადად ეტანება მტკნარ წყალს, თუმცა იშვიათად (მაგალითად, ავსტრალიაში) ზღვებსა და მანგროს ტყეებშიც გვხვდება.[2][3] იკვებება უმთავრესად თევზით, ბაყაყებით, სხვადასხვა კიბოსნაირით, წყლის უხერხემლოებით, აგრეთვე ხვლიკებითა და ხმელეთის მწერებით.[2][3] ბუდეს ხეებზე აკეთებს, ხშირად უშუალოდ წყლის თავზე არსებულ ტოტებზე.[1] გამრავლების სეზონი დეკემბრიდან მარტამდე გრძელდება. დედალი დებს 3–5 კვერცხს. კრუხობს ორივე მშობელი და ბარტყების გამოკვებაზეც ორთავენი ზრუნავენ.[1][3]

სქოლიო[რედაქტირება | წყაროს რედაქტირება]

  1. 1.0 1.1 1.2 1.3 Black Bittern (PDF). New South Wales Government. წაკითხვის თარიღი: 28 октября 2013.
  2. 2.0 2.1 Ixobrychus flavicollis. The IUCN Red List of Threatened Species. წაკითხვის თარიღი: 28 октября 2013.
  3. 3.0 3.1 3.2 Black Bittern. Birdlife Australia. წაკითხვის თარიღი: 30 октября 2013.