ყვირის ქედი

ყვირის ქედი
	; მთა ყვირა
	კოორდინატები: 42°45′25″ ჩ. გ. 42°08′27″ ა. გ. / 42.756972° ჩ. გ. 42.140972° ა. გ.
ქვეყანა	საქართველო
ტერიტორიული ერთეული	სამეგრელო-ზემო სვანეთის მხარე
უმაღლესი წერტილი	ყვირა
სიმაღლე	2038 მ
ამგებელი ქანები	კირქვა

ყვირის ქედი — ქედი საქართველოში, სამეგრელო-ზემო სვანეთის მხარის წალენჯიხის მუნიციპალიტეტში. წარმოადგენს მდინარეების მაგანისა (ენგურის მარცხენა შენაკადი) და ინწრის (ჭანისწყლის მარჯვენა შენაკადი) სათავეების წყალგამყოფს. უმაღლესი მწვერვალია — ყვირა (2038 მ). ყვირის ქედი აგებულია ცარცული კირქვებით. ციცაბო კალთები დანაწევრებულია ღრმა კლდოვანი ხევ-ხეობებით. დამახასიათებელია კარნიზები და მრავალრიცხოვანი კარსტული ფორმები. სამხრეთ კალთაზე წიფლნარ-რცხილნარია, არის მუქწიწვიანებიც, ჩრდილოეთ კალთა შემოსილია ფართოფოთლოვანებით. მაღალ ნაწილში სუბალპური მდელოებია.

ლიტერატურა[რედაქტირება | წყაროს რედაქტირება]