სუზან ჰეფუნა

მასალა ვიკიპედიიდან — თავისუფალი ენციკლოპედია
Jump to navigation Jump to search
სუზან ჰეფუნა
سوزان هافونا
დაიბადა 1962
დაბადების ადგილი გერმანია
ეროვნება გერმანიის დროშა გერმანელი
ეგვიპტის დროშა ეგვიპტელი
მიმდინარეობა ფოტოგრაფია, ქანდაკება, სახვითი ხელოვნება
საიტი http://www.susanhefuna.com

სუზან ჰეფუნა (არაბ. سوزان هافونا; დ. 1962, გერმანია) — გერმანელ-ეგვიპტელი მხატვარი, ფოტოგრაფი, მოქანდაკე და მემონტაჟე[1].

ბიოგრაფია[რედაქტირება | წყაროს რედაქტირება]

სუზან ჰეფუნა დაიბადა 1962 წელს, ეგვიპტეში, ეგვიპტელი მამის და გერმანელი დედის ოჯახში[2]. ცხოვრების რვა წელი ეგვიპტეში გაატარა, ხოლო მოგვიანებით, გრაცში, ავსტრიაში გადავიდა[1]. 1992 წელს, მან გერმანიაში, ფრანკფურტის სახვითი ხელოვნების აკადემიაში ასპირანტურის დიპლომი მოიპოვა.

ურბანული გამოსახულებებით და ორივე ქვეყნის ტრადიციების შერწყმულად გამოყენებით, ჰეფუნას ნამუშევრებში მკვეთრადაა გამოხატული მისი ეგვიპტური და გერმანული წარმოშობა.

სუზან ჰეფუნას ნამუშევრები ძირითადად ინდური მელნით და აკვარელითაა შესრულებული[3], ხოლო მათ ძირითად თემას ხის ან ქვის გისოსებით დამზადებული ტრადიციული ეგვიპტური არქიტექტურის მახასიათებლების მქონე სტრუქტურები წარმოადგენს[4] .

2008 წელს, მას ჰქონდა საკუთარი ნამუშევრების სოლო გამოფენა სერპენტაინის გალერეაში. 2009 წელს, მისი 300-მდე ნამუშევარი ვენეციის 53-ე ბიენალეზე იყო გამოფენილი[5].

გამოფენები[რედაქტირება | წყაროს რედაქტირება]

სუზან ჰეფუნას ნამუშევრები გამოფენილი იყო ნიუ-იორკის მიმდინარე ხელოვნების ახალი მუზეუმში წარმოდგენილ გამოფენაზე, სახელწოდებით — „აქ და სხვაგან“ (2014)[6], კაიროში, ლონდონში და ვენაში.

ჯილდოები[რედაქტირება | წყაროს რედაქტირება]

1998 წელს, ჰეფუნა კაიროს ბიენალეზე საერთაშორისო ჯილდოთი დაჯილდოვდა[7] , ხოლო 2013 წელს — პარიზში, თანამედროვე ხელოვნების პრიზი მოიპოვა[8].

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 Hanson, Sarah P. "Susan Hefuna Uses Simple Strategy to Create Perspective-Changing Works", ArtInfo, Retrieved 28 December 2014.
  2. "Susan Hefuna", Artspace, Retrieved 28 December 2014.
  3. Tayfun Belgin, "Actions in Space: The Drawings of Susan Hefuna," Susan Hefuna, Buildings, Osthaus Museum, Oslo, 2014,
  4. (31 December 2010) On Line: Drawing Through the Twentieth Century. The Museum of Modern Art, გვ. 112–. ISBN 978-0-87070-782-7. წაკითხვის თარიღი: 5 February 2013. 
  5. "Vita", Susan Hefuna, Retrieved 28 December 2014.
  6. Holland Cotter, "Far From Home, An Arab Summer," The New York Times, July 17, 2014
  7. "Susan Hefuna: CV", Brooklyn Museum, Retrieved December 28, 2014.
  8. "Susan Hefuna wins the 2013 Drawing Prize of the Daniel and Florence Guerlain Contemporary Art Foundation", Art Agenda, Retrieved 28 December 2014.