სოორონბაი ჟეენბეკოვი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
სოორონბაი ჟეენბეკოვი
ყირგ. Сооронбай Жээнбеков
სოორონბაი ჟეენბეკოვი ყირგ. Сооронбай Жээнбеков
ყირგიზეთის პრეზიდენტი
ამჟამინდელი თანამდებობა
დაიკავა 1 დეკემბერი, 2017
წინამორბედი ალმაზბეკ ატამბაევი

ყირგიზეთის პრემიერ-მინისტრი
თანამდებობაზე ყოფნის დრო
13 აპრილი, 2016 – 21 აგვისტო, 2017
პრეზიდენტი ალმაზბეკ ატამბაევი
წინამორბედი ტემირ სარიევი
მემკვიდრე საფარ ისაკოვი

ყირგიზეთის მთავრობის სრულუფლებიანი წარმომადგენელი ოშის ოლქში
თანამდებობაზე ყოფნის დრო
16 აგვისტო, 2012 – 11 დეკემბერი, 2015
წინამორბედი აიტმამატ კადირბაევი
მემკვიდრე ტაალაიბეკ სარიბაშევი

დაბადებული 16 ნოემბერი, 1958
კარა-კულჯა, ყირგიზეთის სსრ, სსრკ
პოლიტიკური პარტია სკკპ და ყსდპ
შვილები 2
განათლება ყირგიზეთის აგრარული უნივერსიტეტი
პროფესია ზოოინჟინერი

სოორონბაი ჟეენბეკოვი (ყირგ. Сооронбай Жээнбеков; დ. 16 ნოემბერი 1958) — ყირგიზი პოლიტიკური მოღვაწე, ყირგიზეთის პრემიერ-მინისტრი (2016-2017 წწ.) და ყირგიზეთის არჩეული პრეზიდენტი, რომელიც თანამდებობას დაიკავებს 2017 წლის 1 დეკემბრიდან.

ბიოგრაფია[რედაქტირება | წყაროს რედაქტირება]

სოორონბაი ჟეენბეკოვი დაიბადა 1958 წლის 16 ნოემბერს სოფელ კარა-კულჯაში, ოშის ოლქის საბჭოთა რაიონში[1]. 1976 წლიდან 1977 წლამდე მუშაობდა რუსული ენისა და ლიტერატურის მასწავლებლად ყირგიზეთის სსრ-ის ოშის ოლქის უზგენის რაიონის ლენინის სახელობის სკოლაში. 1983 წელს დაასრულა კ. სკრიაბინის სახელობის ყირგიზეთის სოფლის მეურნეობის ინსტიტუტი ზოოინჟინერის სპეციალობით, რომლის დასრულების შემდეგ მუშაობდა მთავარ ზოოტექნიკად ოშის ოლქის საბჭოთა რაიონის საბჭოთა მეურნეობაში 1988 წლამდე.

1988 წლიდან 1989 წლამდე ოშის ოლქის საბჭოთა რაიონის ყირგიზეთის კომუნისტური პარტიის რაიონული კომიტეტის ინსტრუქტორი იყო. 1989 წლიდან 1991 წლამდე კი - ოშის ოლქის ულიანოვის სახელობის საბჭოთა მეურნეობის პარტკომის მდივანია, ხოლო 1993 წლამდე აღნიშნული საბჭოთა მეურნეობის დირექტორი. 1993 წლიდან 1996 წლამდე ოშის ოლქის კარა-კულჯინის რაიონის კოლექტივის „კაშკა-ჟოლის“ თავჯდომარეა.

1995 წელს აირჩიეს სახალხო წარმომადგენელთა კრების ჟოგორკუ-კენეშის პირველი მოწვევის დეპუტატად. დეპუტატობის პერიოდში იყო აგრარული საკითხების კომიტეტის თავჯდომარე. 1996-1997 წლებში ყირგიზეთის პარლამენტის აგრარული კომიტეტის თავჯდომარის მოადგილეა. 1997-2000 წლებში კვლავ აღნიშნული კომიტეტის თავჯდომარეა. 2003 წელს დაასრულა ყირგიზეთის აგრარული უნივერსიტეტი ბუღალტერის სპეციალობით[2]. 2005-2007 წლებში მესამე მოწვევის ჟოგორკუ-კენეშის დეპუტატია და ხელმძღვანელობს აგრომრეწველობის კომპლექსისა და ეკოლოგიის კომიტეტს.

2007 წლის 3 აპრილიდან 24 ოქტომბრამდე ყირგიზეთის სოფლის, წყლის მეურნეობისა და გადამამუშავებელი მრეწველობის მინისტრია. 24 ოქტომბერს გადადგა თანამდებობიდან ყირგიზეთის ახალი კონსტიტუციის მიღებასთან დაკავშირებით. ახალი მთავრობის ჩამოყალიბებამდე დროებით ასრულებდა მინისტრის მოვალეობას. 2007 წლის 27 დეკემბერს ყირგიზეთის პრეზიდენტის ბრძანებით გათავისუფლდა ყირგიზეთის სოფლის, წყლის მეურნეობისა და გადამამუშავებელი მრეწველობის მინისტრის მოვალეობის შესრულებიდან.

2008 წლიდან 2010 წლამდე კერძო მეწარმეა[3].

2010 წლის აპრილიდან ოშის ოლქში სახელმწიფოს მეთაურის წამომადგენელი ანუ გუბერნატორის მოვალეობის შემსრულებელია, ხოლო 2010 წლის 3 სექტემბრიდან პრეზიდენტის ბრძანების შესაბამისად - გუბერნატორი. 2012 წლის 16 აგვისტოდან ყირგიზეთის პრემიერ-მინისტრის ბრძანებით დაინიშნა ოშის ოლქში მთავრობის სრულუფლებიან წარმომადგენლად.

2015 წლის 11 დეკემბრიდან სახელმწიფო კადრების სამსახურის დირექტორია. 2016 წლის აპრილიდან კი ყირგიზეთის რესპუბლიკის პრეზიდენტის აპარატის ხელმძღვანელის პირველი მოადგილე.

2016 წლის 13 აპრილს აირჩიეს ყირგიზეთის რესპუბლიკის პრემიერ-მინისტრად[4]. 2017 წლის 21 აგვისტოს საპრეზიდენტო არჩევნებში მონაწილეობის გამო გადადგა თანამდებობიდან[5].

2017 წლის 15 ოქტომბერს გამართულ საპრეზიდენტო არჩევნებში მიიღო ხმების 54,76 % და აირჩიეს ქვეყნის მეთაურად[6]. თანამდებობას დაიკავებს 2017 წლის 1 დეკემბერს.

ოჯახი[რედაქტირება | წყაროს რედაქტირება]

სოორონბაი ჟეენბეკოვი არის მრავალშვილიანი ოჯახის მესამე შვილი[7]. ჰყავს 4 და და 5 ძმა. უფროსი ძმა კანტორო ტოქტომამატოვი იყო პროფესორი, აკადემიკოსი. მეორე ძმა ჟუსუპბეკ შარიპოვი ჯალალ-აბადის ოლქის გუბერნატორი 2005 წლის რევოლუციამდე, ამჟამად ყირგიზეთის საგანგებო და სრულუფლებიანი ელჩია ქუვეითში, მაროკოში, იორდანიასა და ბაჰრეინში. უმცროსი ძმა ასილბეკ ჟეენბეკოვი იყო მეხუთე მოწვევის ჟოგორკუ-კენეშის სპიკერი, ამჟამად დეპუტატი[8][9].

დაოჯახებულია, ჰყავს ორი შვილი.

სქოლიო[რედაქტირება | წყაროს რედაქტირება]