სერგი ჭილაია

სერგი ჭილაია
დაბ. თარიღი	1912
დაბ. ადგილი	სერგიეთი, მარტვილის რაიონი
გარდ. თარიღი	1993
ეროვნება	ქართველი
საქმიანობა	ლიტერატურული კრიტიკოსი და მწერალი
ალმა-მატერი	თბილისის სახელმწიფო უნივერსიტეტი
სამეცნიერო ხარისხი	ფილოლოგიის მეცნიერებათა დოქტორი

სერგი ჭილაია (დ. დეკემბერი, 1912 სოფ. სერგიეთი, მარტვილის რაიონი — გ. იანვარი, 1993) — ქართველი ლიტერატურათმცოდნე, მწერალი, ფილოლოგიის მეცნიერებათა დოქტორი (1960), პროფესორი (1963).

ბიოგრაფია

დაიბადა მარტვილის რაიონის სოფელ სერგიეთში. 1936 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

1941-1944 წლებში — თბილისის სახელმწიფო უნივერსიტეტის ფილოლოგიის ფაკულტეტის დეკანი.

1944-1949 წლებში — საქართველოს კპ ცკ-ის ლიტერატურისა და ხელოვნების სექტორის გამგე.

თბილისის სახელმწიფო უნივერსიტეტში კითხულობდა ლექციებს უახლესი ქართული ლიტერატურის ისტორიაში. 1968 წლიდან იყო თსუ-ს უახლესი ქართული ლიტერატურის ისტორიის კათედრის გამგე.

1951 წლიდან საქართველოს მწერალთა კავშირის მდივანია, ხოლო 1973 წლიდან — პირველი მდივანი. სკკპ წევრი 1939 წლიდან, საქართველოს სსრ V-XII მოწვევების უმაღლესი საბჭოს დეპუტატი. საქართველოს კპ სარევიზიო კომისიის წევრი.

ოჯახი

მეუღლე: მარიამ სანადირაძე;

შვილები: გურამი, დალი, ლალი.

შემოქმედება

ლიტერატურული წერილებისა და XX საუკუნის ქართული მწერლობის რთული და საინტერესო ლიტერატურული პროცესის სისტემატიზაციის პირველი მეცნიერული მცდელობის გარდა აქტიურად მოღვაწეობდა მხატვრულ პროზაშიც. მისი ნაწარმოებები ნათარგმნია რუსულად და სსრკ-ის სხვა ხალხთა ენებზე.

2013 წელს საქართველოს კულტურისა და ძეგლთა დაცვის სამინისტროს მხარდაჭერით გამოიცა მწერლის 100 წლის იუბილესადმი მიძღვნილი წიგნი „სერგი ჭილაია—100“

ჯილდოები და აღიარება

• შრომის წითელი დროშის ორდენი
• „საპატიო ნიშნის“ ორდენი
• ხალხთა მეგობრობის ორდენი
• 1973 — საქართველოს მეცნიერებათა დამსახურებული მოღვაწე

ბიბლიოგრაფია

• ეგნატე ნინოშვილის გურია (1934)
• ვახტანგ ორბელიანი (1941)
• ეკატერინე ჭავჭავაძე (რომანი) (1966)
• მეოცე საუკუნის ქართული მწერლობა (3 ტომად)
• ქართული საბჭოთა ლიტერატურის განვითარების გზა (1953)
• შვილები (ქრონიკა, 1973)
• მე და ჩემი პროფესორი (1975)
• ცისფერი კომუნარები (1982)
• მოგონებების გამა
• ოცწლეული (1921-1940)
• წლები და პრობლემები (1980)
• ლიტერატურული წერილები

რესურსები ინტერნეტში

• სერგი ჭილაია — საქართველოს ბიოგრაფიული ლექსიკონი
• როგორ „ქრთამავდა“ სერგი ჭილაია შვილებს
• http://mematiane.ge
• https://burusi.wordpress.com/2009/10/31/sergi-chilaia/
• სერგი ჭილაიას ბიოგრაფია (V მოწვევა)
• სერგი ჭილაიას ბიოგრაფია (VII მოწვევა)