რკინისჯვარი
| რკინისჯვარი | |
|---|---|
| კოორდინატები: 41°54′25″ ჩ. გ. 43°08′41″ ა. გ. / 41.90694° ჩ. გ. 43.14472° ა. გ. | |
| ქვეყანა |  საქართველო
|
| ტერიტორიული ერთეული | ხარაგაულის მუნიციპალიტეტი |
| სიმაღლე | 2439 მ |
| ქედი | მესხეთის ქედი |
| ამგებელი ქანები | ანდეზიტი, ტუფი და ტუფ-ბრექჩია |
  | |
 | |
რკინისჯვარი — მთა საქართველოში, იმერეთის მხარეში, ხარაგაულის მუნიციპალიტეტში[1]. მდებარეობს მესხეთის ქედის ჩრდილოეთ განტოტება — რკინის ჯვრის ქედზე, ბორჯომ-ხარაგაულის ეროვნულ პარკში, მდინარე ხანისწყლის მარჯვენა შენაკადის — საკრაულის ზემოთში. სიმაღლე ზღვის დონიდან 2439 მ. აგებულია პალეოგენური ანდეზიტებით, ტუფებითა და ტუფ-ბრექჩიებით. კალთები ციცაბოა, შემოსილია სუბალპური ბალახმცენარეულობით.[2] გადმოცემის თანახმად, ანდრია პირველწოდებულმა I საუკუნეში რკინისჯვარზე რკინის ჯვარი აღმართა, რის გამოც მთას შეერქვა აღნიშნული სახელწოდება. „ანდრიაობის“ დღესასწაულზე ხარაგაულელი ახალგაზრდობა და, მათ შორის, საქართველოს სხვადასხვა ქალაქებიდან ჩამოსული მართლმადიდებლები მთა რკინისჯვარს სტუმრობენ.[3]
სქოლიო[რედაქტირება | წყაროს რედაქტირება]
- ↑ ხარაგაულის ქრონიკები, ქუთ., 2017, გვ., 82-83
- ↑ უკლება დ., ქართული საბჭოთა ენციკლოპედია, ტ. 8, თბ., 1984. — გვ. 410.
- ↑ ხარაგაულში „ანდრიაობის“ დღესთან დაკავშირებით მთა „რკინისჯვარს“ მოილოცავენ