რესპუბლიკელები (საინფორმაციო ბიულეტენი)

მასალა ვიკიპედიიდან — თავისუფალი ენციკლოპედია
Jump to navigation Jump to search

რესპუბლიკელები“ — საქართველოს რესპუბლიკური პარტიის საინფორმაციო ბიულეტენი. გამოდის 2008 წლის დეკემბრიდან ყოველთვიურად. იბეჭდება ქართულ ენაზე. ბიულეტენის ტირაჟი 3000 ეგზემპლარია, რომელიც რესპუბლიკური პარტიის წევრებსა და მხარდამჭერებში ვრცელდება. რედკოლეგიის წევრები არიან: ლევან ბერძენიშვილი, დავით ზურაბიშვილი, ფრიდონ საყვარელიძე, ივლიანე ხაინდრავა. მერაბ ქათამაძე (რედაქტორი).

გაზეთის ძირითადი რუბრიკებია: „ქრონიკა“, სადაც საქართველოს რესპუბლიკური პარტიის მიმდინარე მოვლენები შუქდება; „წერილები“, სადაც რედაქციაში შემოსული წერილები (მათ შორის კრიტიკული) ქვეყნდება; „სარედაქციო“, სადაც რედაქციის პოზიციაა გამოხატული; „ამერ-იმერი“, სადაც რეგიონებში მიმდინარე მოვლენებს ეძღვნება წერილი; „ინფორმაცია“, სადაც პარტიის წევრთათვის საინტერესო ინფორმაცია (საკონტაქტო ინფორმაცია, რჩევა); „მიმოხილვა“, სადაც ქვეყანასა და მსოფლიოში მიმდინარე მთავარი მოვლენები საავტორო წერილებით მიმოიხილება; „საქართველო-Review“, სადაც უცხოურ მედიაში საქართველოზე დაბეჭდილი სტატიები ქვეყნდება; „ლიბერალები“, სადაც ქვეყნდება წერილები ლიბერალიზმზე და ლიბერალური პარტიების საქმნიანობის შესახებ (საარჩევნო პლატფორმა, კონცეფცია და პროგრამა).

ბიულეტენი ასევე აქვეყნებს წერილებს ისეთ თემებზე, როგორიცაა: ეკონომიკა, ეკოლოგია, ახალგაზრდობა. იბეჭდება დიაგრამები და ცხრილები, სადაც გაანალიზებულია სტატისტიკური ინფორმაცია ისეთ სფეროებში, როგორიცაა: მედია, ადამიანის უფლებები, არჩევნები, საერთაშორისო დახმარება საქართველოსთვის. ბიულეტენში არის რუბრიკა „მოსაზრება“, სადაც ისეთი წერილიც შეიძლება გამოქვეყნდეს, რომლის პოზიციას რედაქცია არ იზიარებს.

რესურსები ინტერნეტში[რედაქტირება | წყაროს რედაქტირება]