პაულუ მენდეს და როშა (Paulo Mendes da Rocha; დ. 25 ოქტომბერი, 1928, ვიტორია — გ. 23 მაისი, 2021) — ბრაზილიელი არქიტექტორი, მის ვან დერ როესა (2000) და პრიცკერის (2006) პრემიების ლაურეატი. 1957 წლიდან დაწყებული, მისი ნამუშევრები ძირითადად ბრაზილიით შემოიფარგლება. მათი უმრავლესობა ბეტონით არის ნაგები, მეთოდით, რომელსაც ხშირად "ბრაზილიურ ბრუტალიზმს" უწოდებენ, რაც შენობების სწრაფად და იაფად აგების საშუალებას იძლეოდა. მის გამორჩეულ ნამუშევართა დიდი ნაწილი სან-პაოლოშია და ამ ქალაქის გაკეთილშობილებაში დიდი წვლილი მიუძღვის.