პატარა ბორბალო

პატარა ბორბალო
კოორდინატები: 42°25′55″ ჩ. გ. 45°14′06″ ა. გ.
ქვეყანა	საქართველო
ტერიტორიული ერთეული	დუშეთის მუნიციპალიტეტი, ახმეტის მუნიციპალიტეტი
სიმაღლე	3134 მ
ქედი	თუშეთ-ხევსურეთის კავკასიონი
ამგებელი ქანები	თიხაფიქალი და წვრილმარცვლოვანი ქვიშაქვა

პატარა ბორბალო — მთა საქართველოში, კახეთის მხარის ახმეტის მუნიციპალიტეტისა და მცხეთა-მთიანეთის მხარის დუშეთის მუნიციპალიტეტის ადმინისტრაციულ საზღვარზე. მდებარეობს თუშეთ-ხევსურეთის კავკასიონზე. სიმაღლე ზღვის დონიდან 3134 მ. მოქცეულია დიდი ბორბალოს ჩრდილო-აღმოსავლეთით. აგებულია ზედა ლიასის თიხაფიქლებითა და წვრილმარცვლოვანი ქვიშაქვებით. პატარა ბორბალოდან იწყება მდინარეების — ალაზნის (სამხრეთით), ანდაქის (ჩრდილოეთით), თუშეთის ალაზნის (აღმოსავლეთით) შემადგენელი შენაკადები. მთა შემოსილია ალპური და სუბალპური მდელოებით. პატარა ბორბალოზე გადის საყორნისა და ანდაქის უღელტეხილების დამაკავშირებელი გზა.

ლიტერატურა

• უკლება დ., ენციკლოპედია „საქართველო“, ტ. 1, თბ., 1997. — გვ. 463.