მერაბ ღაღანიძე
მერაბ ღაღანიძე (დ. 12 იანვარი, 1961, თბილისი) — ქართველი ლიტერატურათმცოდნე, რელიგიისა და კულტურის მკვლევარი, ფილოსოფოსი, თეოლოგი; პროფესორი; ფილოლოგიისა და ფილოსოფიის დოქტორი; მინიჭებული აქვს საგანგებო დიპლომი სულიერი თეოლოგიის სპეციალობით.
ბიოგრაფია[რედაქტირება | წყაროს რედაქტირება]
განათლება[რედაქტირება | წყაროს რედაქტირება]
1977 წელს დაამთავრა თბილისის 47-ე საშუალო სკოლა. იმავე წელს ჩაირიცხა თბილისის სახელმწიფო უნივერსიტეტის ფილოლოგიის ფაკულტეტზე. უნივერსიტეტის დამთავრებისთანავე, 1982 წელს, გახდა თბილისის სახელმწიფო უნივერსიტეტის ძველი ქართული ლიტერატურის ისტორიის კათედრის ასპირანტი. 1988 წელს დაიცვა სადისერტაციო ნაშრომი დავით გურამიშვილის პოეზიის შესახებ.
სამეცნიერო-პედაგოგიური საქმიანობა[რედაქტირება | წყაროს რედაქტირება]
სამეცნიერო და პედაგოგიურ საქმიანობას ეწეოდა: თბილისის ილია ჭავჭავაძის სახელობის უცხო ენათა სახელმწიფო ინსტიტუტში (1984 – ლექტორი), თბილისის სახელმწიფო უნივერსიტეტში (1985-1994 – დოცენტი), თბილისის სახელმწიფო სამხატვრო აკადემიაში (1985-1994 – დოცენტი), პრაღის დომინიკელთა ორდენის ქრისტიანული კულტურის ცენტრში (1994-1997 – მკვლევარი), პრაღის კარლოსის უნივერსიტეტში (1997-2001 – დოცენტი), თბილისის ილია ჭავჭავაძის სახელობის ენისა და კულტურის უნივერსიტეტში (2002-2004 – მიწვეული პროფესორი), თბილისის სახელმწიფო უნივერსიტეტში (2003-2004 – მიწვეული პროფესორი), შოთა რუსთაველის ქართული ლიტერატურის ინსტიტუტში (2004-2006 – უფროსი მეცნიერ-თანამშრომელი), რომის წმინდა თომა აკვინელის პაპის უნივერსიტეტში (2005-2008 – მიწვეული მკვლევარი), ილიას სახელმწიფო უნივერსიტეტში (2006-2011 – პროფესორი), თბილისის თავისუფალ უნივერსიტეტში (2011-2021 – პროფესორი).
იგი არის ქრისტიანული თეოლოგიისა და კულტურის ცენტრის დამფუძნებელი და ხელმძღვანელი 2003 წლიდან.
2021 წლიდან არის საქართველოს უნივერსიტეტის პროფესორი.
მერაბ ღაღანიძის კვლევითი ინტერესის დარგებია: ქართული ლიტერატურის ისტორია, ევროპული ლიტერატურების ისტორია, ლიტერატურის თეორია, კულტურის კვლევები, რელიგიის კვლევები, ისტორიოგრაფია, ეკლესიის ისტორია, ინტელექტუალური ისტორია, ევროპული ფილოსოფია, კათოლიკური თეოლოგია.
მისი კვლევითი ნარკვევები და ესეები იბეჭდება 1984 წლიდან სხვადასხვა კრებულსა და პერიოდულ გამოცემაში. გამოცემული აქვს 14 წიგნი და არის 200-ზე მეტი პუბლიკაციის ავტორი.
მერაბ ღაღანიძის რედაქციით გამოდიოდა ქართული წიგნის მხარდაჭერის ფონდ "მემკვიდრეობის" გამოცემები, ფილოლოგიურ კვლევათა წელიწდეული "წახნაგი" და წელიწდეული "კათოლიკური მემკვიდრეობა საქართველოში". არის არაერთი წიგნისა და კრებულის რედაქტორი.
ბიბლიოგრაფია[რედაქტირება | წყაროს რედაქტირება]
- სინამდვილე და წარმოსახვა დავით გურამიშვილის "მხიარულ ზაფხულში”. – თბ.: ლომისი, 2002.
- კულტურათა გზაჯვარედინი: XVIII-XIX საუკუნეთა ქართული ლიტერატურის ისტორიის ნარკვევები. – თბ.: ლომისი, 2002. (თანაავტორობით)
- რწმენისა და იმედის გზაზე : 50 ესეი რელიგიათა ისტორიიდან. – თბ.: წმ. ირინეოს ლიონელის სახელობის ბიბლიურ-თეოლოგიური ინსტიტუტი, 2003.
- წვდომისა და გამოხატვის ოსტატობა : 25 ესეი ხელოვნების შესახებ, 1995-2000, – თბ.: ქრისტიანული თეოლოგიისა და კულტურის ცენტრის გამოცემა, 2004.
- გზავნილი “არილის” მკითხველს. – თბ.: მემკვიდრეობა, 2009.
- ძველი და ახალი საქართველოს მიჯნაზე : ლიტერატურული პორტრეტები XVIII- XIX საუკუნეების საქართველოს საზოგადოებრივი და კულტურული ცხოვრების ალბომიდან. – თბ.: მემკვიდრეობა, 2010.
- მწერლის ცხოვრება დროში და სიტყვაში : 99 მცირე და ვრცელი ჩანაწერი უცხოელ მწერალთა შესახებ. – თბ.: მემკვიდრეობა, 2011.
- განსაკუთრებული საყოველთაოში. – თბ.: სულხან-საბა ორბელიანის სასწავლო უნივერსიტეტი, 2014. (ზ. კიკნაძესთან თანაავტორობით)
- აკაკის ფაუსტური პარაბოლა. – თბ.: ქრისტიანული თეოლოგიისა და კულტურის ცენტრი, 2019.
- სამი ხილული და სამი სახელი : ბატონიშვილი ვახუშტი ერთიანი საქართველოს ნიშნებისა და ქვეყნის სახელწოდებათა გამო. – თბ.: ქრისტიანული თეოლოგიისა და კულტურის ცენტრი, 2020.
- ლიტერატურა, კულტურა, რელიგია, ტ. 1, 2000-2009. – თბ.: საქართველოს პარლამენტის ეროვნული ბიბლიოთეკა, 2021.
- ლიტერატურა, კულტურა, რელიგია, ტ. 2/1, 2010-2019. – თბ.: საქართველოს პარლამენტის ეროვნული ბიბლიოთეკა, 2021.
- ლიტერატურა, კულტურა, რელიგია, 2/2, 2010-2019. – თბ.: საქართველოს პარლამენტის ეროვნული ბიბლიოთეკა, 2021.
- ევროპის შუაგულში საუკუნეთა ზღვარზე : 100 ჩანაწერი კულტურის, რელიგიისა და სამოქალაქო ცხოვრების ირგვლივ, 1995-2005. – თბ.: ქრისტიანული თეოლოგიისა და კულტურის ცენტრი, 2022.