ლეონიდე მამალაძე
| ლეონიდე მამალაძე | |
|---|---|
| პირადი ინფორმაცია | |
| დაბ. თარიღი | 16 აგვისტო, 1910 |
| დაბ. ადგილი | შემახა |
| გარდ. თარიღი | 24 აპრილი, 1982 (71 წლის) |
| ნამუშევრები და მიღწევები | |
| საქმიანობა | მხატვარი, არქიტექტორი და მოქანდაკე |
| მოქალაქეობა |
 სსრკ |
| ჯილდოები | სტალინური პრემია, სსრკ-ის სახელმწიფო პრემია, საპატიო ნიშნის ორდენი და საქართველოს სსრ-ის ხელოვნების დამსახურებული მოღვაწე |
ლეონიდე მამალაძე (დ. 16 აგვისტო, 1910, შემახა — გ. 24 აპრილი, 1982) — ქართველი არქიტექტორი, მოქანდაკე, მხატვარი.
ბიოგრაფია
[რედაქტირება | წყაროს რედაქტირება]1936 წელს დაამთავრა თბილისის ინდუსტრიული ინსტიტუტის არქიტექტურის ფაკულტეტი.
1936-1940 წლებში, პედაგოგად მუშაობდა თბილისის პოლიტექნიკურ ინსტიტუტში. კინემატოგრაფიის სფეროში მხატვრად მოღვაწეობდა ორ კინოსტუდიაში: ჯერ 1941-1946 წლებში „ქართულ ფილმში“, შემდეგ კი 1946-1951 წლებში „მოსფილმში“. 1951-1954 წლებში, იყო საკავშირო სასოფლო-სამეურნეო გამოფენის საქართველოს სსრ პავილიონის მთავარი მხატვარი. 1954 წლიდან კვლავ დაუბრუნდა „ქართულ ფილმს“, ხოლო 1967-1971 წლებში უკვე ამ სტუდიის მთავარი მხატვრის თანამდებობას იკავებდა.
1958 წლიდან საქართველოს სსრ სახალხო მეურნეობის მიღწევათა გამოფენის მთავარი მხატვარ-არქიტექტორი იყო. მნიშვნელოვანი ნამუშევრები: მონუმენტები „გონების აღმაფრენა", რომელიც 1960-1961 წლებში შეიქმნა, და „შემოქმედება", რომელიც 1971 წელს დასრულდა. ორივე მონუმენტი გამოფენის ტერიტორიაზე მდებარეობს. ასევე აღსანიშნავია საქართველოს სსრ სახალხო მეურნეობის მიღწევათა გამოფენის პავილიონის პროექტი მოსკოვში, რომელიც 1960 წელს გიორგი ლეჟავასთან ერთად შექმნა.
გააფორმა მრავალი კინოფილმი: „გიორგი სააკაძე", რომლის პირველი და მეორე სერია 1943 წელს გამოვიდა და რომელზეც რევაზ მირზაშვილთან და მიხეილ გოცირიძესთან ერთად იმუშავა. „დავით გურამიშვილი", რომელიც 1946 წელს შეიქმნა ქრისტესია ლებანიძესთან და ა. უტკინთან თანამშრომლობით. 1946 წელს „ფიცი". 1949 წელს, ორსერიანი ფილმი „სტალინგრადის ბრძოლა". „ოთარაანთ ქვრივი", რომელიც 1958 წელს გამოვიდა. 1956 წელს „აბეზარა". 1956 წელს „ორი ოკეანის საიდუმლოება". 1957 წელს „მე ვიტყვი სიმართლეს". „შეხვედრა მთაში", რომელიც 1966 წელს შეიქმნა. „ტარიელ გოლუა" 1968 წლიდან და სხვ.[1]
ჯილდოები
[რედაქტირება | წყაროს რედაქტირება]- 1967 - საქართველოს სახალხო მხატვარი
- 1950 - სსრკ სახელმწიფო პრემია ( ფილმის სტალინგრადის ბრძოლა (1-2 სერია) გაფორმებისთვის)
- საპატიო ნიშნის ორდენი
- საქართველოს ხელოვნების დამსახურებული მოღვაწე
ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 6, თბ., 1983. — გვ. 393.