ინგრიდა შიმონიტე

მასალა ვიკიპედიიდან — თავისუფალი ენციკლოპედია
Jump to navigation Jump to search
Ingrida Simonyte 2019.jpg

ინგრიდა შიმონიტე (ლიტვ. Ingrida Šimonytė; დ. 15 ნოემბერი 1974, ვილნიუსი, ლიტვის სსრ, სსრკ) — ლიტველი სახელმწიფო მოღვაწე, პოლიტიკოსი, ეკონომისტი, ლიტვის ფინანსთა მინისტრი 2009-2012 წლებში. ლიტვის პრეზიდენტობის კანდიდატი 2019 წლის საპრეზიდენტო არჩევნებზე. პირველ ტურში მიიღო ხმების 31,43 % და დაიკავა პირველი ადგილი, ხოლო მეორე ტურში მხოლოდ 33,28 % მიიღო და დამარცხდა გიტანას ნაუსედასთან.

ბიოგრაფია[რედაქტირება | წყაროს რედაქტირება]

ინგრიდა შიმონიტე დაიბადა 1974 წლის 15 ნოემბერს ქალაქ ვილნიუსში. დაასრულა ვილნიუსის უნივერსიტეტის ეკონომიკის ფაკულტეტი ბაკალავრის ხარისხით. ბიზნეს-ადმინისტრირების მაგისტრის ხარისხი მიიღო სტოკჰოლმის ეკონომიკის სკოლაში.

1997-2001 წლებში მუშაობდა ლიტვის ფინანსთა სამინისტროს საგადასახადო განყოფილებაში. 2004-2009 წლებში ფინანსთა სამინისტროს მდივანია. 2013 წელს დანიშნეს ლიტვის ბანკის დირექტორთა საბჭოს თავჯდომარედ. პარალელურად ასწავლიდა ეკონომიკას საერთაშორისო ურთიერთობებისა და პოლიტიკური მეცნიერებების ინსტიტუტში. თანამდებობიდან გადადგა 2016 წელს, რადგან აირჩიეს ლიტვის სეიმის წევრად ვილნიუსიდან.

2018 წლის 4 ნოემბერს გაიმარჯვა პრაიმერიზში და გახდა ლიტველი ქრისტიან-დემოკრატების კანდიდატი 2019 წლის 12 მაისის არჩევნებზე.

დაოჯახებული არაა, არ ჰყავს შვილები. გარდა ლიტვური ენისა თავისუფლად ფლობს ინგლისურს, რუსულსა და პოლონურს.

რესურსები ინტერნეტში[რედაქტირება | წყაროს რედაქტირება]