დორდრეხტი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ქალაქი
დორდრეხტი
ნიდერლ. Dordrecht
Pottenkade.jpg
დროშა გერბი
Flag of Dordrecht.svg Dordrecht wapen.svg

ქვეყანა ნიდერლანდების დროშა ნიდერლანდები
პროვინცია სამხრეთი ჰოლანდია
კოორდინატები 51°49′00″ ჩ. გ. 4°39′00″ ა. გ. / 51.81667° ჩ. გ. 4.65000° ა. გ. / 51.81667; 4.65000
ფართობი 99,45 კმ²
ცენტრის სიმაღლე 1 მეტრი
მოსახლეობა 118 601 კაცი (2009)
სიმჭიდროვე 1 491 კაცი/კმ²
სასაათო სარტყელი UTC+1, ზაფხულში UTC+2
სატელეფონო კოდი 078
საფოსტო ინდექსი 3300–3329
ოფიციალური საიტი dordrecht.nl
დორდრეხტი — ნიდერლანდები
დორდრეხტი

დორდრეხტი (ნიდერლ. Dordrecht) — ქალაქი და მუნიციპალიტეტი ნიდერლანდში, სამხრეთ ჰოლანდიის პროვინციაში. 118 601 მცხოვრებით (2009), წარმოადგენს პროვინციის სიდიდით მეოთხე ქალაქს. დორდრეხტი დრეჩსტედენის უმსხვილესი და უმნიშვნელოვანესი ქალაქია, რომელიც ასევე მიეკუთვნება რანდსტადს — ნიდერლანდების მთავარ კონურბაციას. ამავე დროს, დორდრეხტი ჰოლანდიის რეგიონის უძველესი ქალაქია მდიდარი ისტორიითა და კულტურით.

ისტორია[რედაქტირება | წყაროს რედაქტირება]

დორდრეხტი მდინარე თურის ნაპირებზე ჩამოყალიბდა, ტორფიანი ჭაობების შუაგულში. 1120 წელს გვხვდება პირველი მინიშნებები ქალაქის არსებობის შესახებ. 1220 წელს ჰოლანდიის გრაფმა მას ქალაქის სტატუსი მიანიჭა.

XII-XIII საუკუნეებში, სტრატეგიული მდებარეობის გამო დორდრეხტი მნიშვნელოვან საბაზრო ქალაქად იქცა. ძირითადად ვაჭრობდა ღვინით, მერქნით და პურეულით.

1253 წელს ქალაქში ლათინური სკოლა დაარსდა, რომელიც გიმნაზიის სახით დღემდე არსებობს.

1421 წლის 17 აპრილს, წმინდა ელიზაბეთის წყალდიდობისას სამხრეთ ჰოლანდიის უდიდესი ნაწილი დაიტბორა, რის შედეგადაც დორდრეხტი კუნძულად იქცა. წყალდიდობას 10 000-ზე მეტი ადამიანის სიცოცხლე ემსხვერპლა.

XVIII საუკუნიდან დორდრეხტის მნიშვნელობა თანდათან დაეცა, რადგან რეგიონის მთავარი ქალაქი როტერდამი გახდა.

ეკონომიკა[რედაქტირება | წყაროს რედაქტირება]

თანამედროვე დორდრეხტის ეკონომიკა ეფუძნება გემთმშენებლობას, ხე-ტყისა და ფოლადის ინდუსტრიას. ქალაქი ნიდერლანდში სიდიდით მე-6 ნავსადგურს ფლობს.

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]