დიმიტრი ჯანაშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search

დიმიტრი ჯანაშვილი (დ. 15 დეკემბერი, 1840, კახი, აზერბაიჯანი, — გ. 7 ოქტომბერი, 1905, ბოდბისხევი, სიღნაღის მუნიციპალიტეტი, საქართველო) — ქართველი ისტორიკოსი, ეთნოგრაფი, პედაგოგი, პუბლიცისტი და საზოგადო მოღვაწე. აქვეყნებდა პუბლიკაციებს ქართულ პერიოდიკაში „ჯანაშვილი ინგილო“-ს ფსევდონიმით. დაამთავრა თბილისის სასულიერო სემინარია 1865 წელს. 12 წელი საინგილოში იყო მღვდლად და პარალელურად ეწეოდა პედაგოგიურ მოღვაწეობას. დააარსა ქართული სკოლები. 1873 წლიდან ქართულ ენასა და ლიტერატურას ასწავლიდა ქუთაისის სასულიერო სასწავლებელში. 1878-1881 წლებში სწავლობდა მოსკოვის სასულიერო აკადემიაში. შემდეგ გააგრძელა პედაგოგიური მოღვაწეობა თბილისში. სიცოცხლის ბოლო წლებში მღვდლად იყო კახეთში. იყო ქართველთა შორის წერა-კითხვის გამავრცელებელი საზოგადოების გამგეობის წევრი. მის კალამს ეკუთვნის მრავალი ისტორიული და ეთნოგრაფიული წერილი და ნარკვევი, კრიტიკული სტატია და მეცნიერული გამოკვლევა, სახელმძღვანელო წიგნი და რეცენზია, რომლებიც სისტემატურად იბეჭდებოდა ქართულ და რუსულ პერიოდულ პრესაში.

ლიტერატურა[რედაქტირება | წყაროს რედაქტირება]

  • მღვდელი დიმიტრი ჯანაშვილი : 1840-1905 : ფოტომატიანე / რუბრიკას უძღვებიან ლუარსაბ ტოგონიძე და გიორგი მაჩურიშვილი // საპატრიარქოს უწყებანი. - თბილისი, 2009. - 26 ნოემბერი - 2 დეკემბერი. - N36(523). - გვ.17-20
  • ჯანაშვილი ინგილო (დიმიტრი ჯანაშვილი). ფერიხანუმი–თამარი (მგზავრის ისტორიული შენიშვნა საინგილოზე), მნათობი, 1872 წ. № 4–5,გვ.21–36
  • ასრათ ომარაშვილი, საინგილოს ღირსეული მამულიშვილები (რედ. მარიკა ლორთქიფანიძე). თბ., 2002, ISBN 99928-958-9-6