დავით დგებუაძე

დავით დგებუაძე
დაბ. თარიღი	22 მაისი, 1928(1928-05-22) (95 წლის)
დაბ. ადგილი	წითელხევი (ბაღდათის მუნიციპალიტეტი), საქართველოს სსრ, სსრკ
მოქალაქეობა	სსრკ  საქართველო
საქმიანობა	ინჟინერი
ალმა-მატერი	საქართველოს ტექნიკური უნივერსიტეტი
ჯილდოები	შრომის წითელი დროშის ორდენი

დავით დგებუაძე (დ. 22 მაისი, 1928, წითელხევი, ბაღდათის მუნიციპალიტეტი) — ქართველი და საბჭოთა ინჟინერი.

ბიოგრაფია

1950 წელს დაამთავრა საქართველოს პოლიტექნიკური ინსტიტუტის ჰიდროტექნიკური ფაკულტეტი.

1950–1957 წლებში მუშაობდა აზერბაიჯანის რესპუბლიკაში, მინგეჩაურის წყალსაცავის მშენებლობაზე ოსტატად, უფროს ოსტატად, გეოდეზისტად, სამუშაოთა მწარმოებლად, უფროს სამუშაოთა მწარმოებლად; 1957–1958 წლებში მუშაობდა გუმათის ჰიდროელექტროსადგურის მშენებლობაზე უფროს ინჟინრად; 1958–1976 წლებში მუშაობდა საქართველოს მშენებლობის სამინისტროს №8 სამშენებლო ტრესტში სამუშაოთა მწარმოებლად, სამშენებლო და მექანიზაციის სამმართველოების უფროსად, ტრესტის მთავარ ინჟინრად, მმართველად; 1976–1989 იყო საქართველოს მშენებლობის სამინისტროს №4 სამშენებლო ტრესტის მმართველი; უშუალოდ ხელმძღვანელობდა გაერთიანება „ჭიათურმანგანუმის“ უმნიშვნელოვანესი ობიექტების, ასევე, ქუთაისის საავტომობილო და ელექტრომექანიკური ქარხნების, მაუდის ფაბრიკების, ასევე, ქარხანა „ავანგარდისა“ და გაერთიანება „აისის“ მშენებლობას; მისი ხელმძღვანელობით აშენდა მრავალი სოციალურ-კულტურული და საგანმანათლებლო დანიშნულების ობიექტი ქ. ჭიათურასა და ქ. ქუთაისში, ასევე, იმერეთის რეგიონში.

ლიტერატურა

• საქართველოს არქიტექტორთა და მშენებელთა ენციკლოპედია, გვ. 193, თბ., 2017.

რესურსები ინტერნეტში

• დავით დგებუაძე — საქართველოს ბიოგრაფიული ლექსიკონი