გიგი ადამაშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
გიგი ადამაშვილი
Gigi Adamashvili at Rustavi 2.jpg
გიგი ადამაშვილი, პროექტ „მხოლოდ ქართულის“ პრეზენტაციაზე 2018 წელს
ბიოგრაფია
დაბ. თარიღი 23 სექტემბერი, 1998 (1998-09-23) (20 წლის)
დაბ. ადგილი თბილისი, საქართველო
ეროვნება ქართველები
ჟანრ(ებ)ი
საქმიანობა
ინსტრუმენტ(ებ)ი
  • ვოკალი
  • გიტარა
აქტიური 2012—დღემდე
საიტი gigiadamashvili.com

გიგი ადამაშვილი (დ. 23 სექტემბერი, 1998, თბილისი) — ქართველი მუსიკოსი და მომღერალი. გიგი საზოგადოებამ პროექტ „X ფაქტორიდან“ გაიცნო. მისი მუსიკა მოიცავს ინდი, აკუსტიკურ მუსიკასა და ჯაზს. მან პირველი სინგლი „Yellow Kites“ გამოუშვა 2019 წლის აპრილში. 2019 წლის მაისში გამოუშვა მუსიკალური ვიდეო რგოლი, სიმღერით „BABI“, რომელიც მუსიკოს თამარ ბაბილუას მიუძღვნა.[1]

ბიოგრაფია[რედაქტირება | წყაროს რედაქტირება]

ადრეული წლები[რედაქტირება | წყაროს რედაქტირება]

გიგი ადამაშვილი მუსიკალური დაჯილდოვების „ოქროს ტალღა 2018“-ის ცერემონიალზე
გიგი ადამაშვილი, რადიო ნრჯ, 2017

გიგი ადამაშვილი დაიბადა თბილისში, 1998 წლის 23 სექტემბერს. მუსიკით პირველად დაინტერესედა 11 წლის ასაკში, როდესაც დედამ გიტარაზე დაკვრა ასწავლა.[2]

12 წლის ასაკში დაიწყო სიმღერა და მონაწილეობა მიიღო თინეიჯერულ კონკურსში „New Star 2012“, სადაც პირველი ადგილი დაიკავა.

2015-2016: იქს ფაქტორი[რედაქტირება | წყაროს რედაქტირება]

2015 წელს, 16 წლის ასაკში, გიგი ადამაშვილმა მონაწილეობა მიიღო უკრაინის „X ფაქტორში“, სადაც ბობ დილანის სიმღერა „Make You Feel My Love“ შეასრულა,[3] მის გამოსვლას საკმაოდ დიდი გამოხმაურება მოჰყვა.[2]

2016 წელს, გიგიმ მონაწილეობა მიიღო საქართველოს „X ფაქტორში“, სადაც შეასრულა კრის აიზეკის სიმღერა „Wicked Game“. საბოლოოდ მან კონკურსში მეორე ადგილი დაიკავა.[4]

2017-დღემდე: ტურნე საქართველოში და „ოქროს ტალღა“[რედაქტირება | წყაროს რედაქტირება]

2016 წლის ოქტომბერიდან 2017 წლის ივნისამდე ჩაატარა ტურნე საქართველოს მასშტაბით და 20 ზე მეტ ქალაქში გამართა სოლო კონცერტები. 2018 წელს წარდგენილი იყო, მუსიკალური დაჯილდოვების ცერემონიაზე „ოქროს ტალღა 2018“, სადაც მან გამოკითხვაში 103, 078 ხმით, ნომინაციაში „ინტერნეტ რჩეული“ გაიმარჯვა.[5] 2019 წლის აპრილში გამოუშვა პირველი სინგლი „Yellow Kites“,[6]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. „სიმღერას “BABI” ერქმევა“ – გიგი ადამაშვილი ახალ კლიპზე და სინგლზე მუშაობს. Stv.ge (22 აპრილი, 2019). წაკითხვის თარიღი: 9 მაისი, 2019.
  2. 2.0 2.1 როგორ აატირა უკრაინულ „X ფაქტორზე“ 16 წლის გიგი ადამაშვილმა ნინო ქათამაძე და რატომ აქვს მას ბავშვობიდან „გატრანსული“. Tbiliselebi.ge (14 სექტემბერი, 2015). წაკითხვის თარიღი: 9 მაისი, 2019.
  3. ქართველმა მომღერალმა უკრაინული X Factor-ის ჟიური და დარბაზი ტრანსში ჩააგდო. palitravideo.ge (30 სექტემბერი, 2015). წაკითხვის თარიღი: 9 მაისი, 2019.
  4. დაუმსახურებლად წავაგე” – გიგი ადამაშვილი პირველ კომენტარს აკეთებს. Musicbox.ge (6 ივლისი, 2016). წაკითხვის თარიღი: 9 მაისი, 2019.
  5. ვინ გახდა „წლის სიმღერის“ ტიტულის მფლობელი – „ოქროს ტალღის“ გამარჯვებულების სრული სია. Newposts.ge (14 ნოემბერი, 2018). წაკითხვის თარიღი: 9 მაისი, 2019.
  6. Yellow Kites — Single. ITunes. წაკითხვის თარიღი: 9 მაისი, 2019.