ბელკოვის კუნძული
| მშობ. სახელი: Бельковский | |
|---|---|
 თანამგზავრული ფოტოსურათი | |
| გეოგრაფია | |
| მდებარეობა | ლაპტევების ზღვა |
| კოორდინატები | 75°33′09″ ჩ. გ. 135°50′28″ ა. გ. / 75.55250° ჩ. გ. 135.84111° ა. გ. |
| ფართობი | 500 კმ² |
| უმაღლესი წერტილი | 127 მ |
| ფედ. სუბიექტი | სახა (იაკუტია) |
  | |
ბელკოვის კუნძული[1] (რუს. Бельковский) — კუნძული ლაპტევების ზღვაში (რუსეთის ტერიტორია, იაკუტია). ანჟუს კუნძულების ჯგუფის ყველაზე დასავლეთით მდებარე კუნძული (შედის ახალი ციმბირის კუნძულების არქიპელაგში). ფართობი დაახლ. 500 კმ². ნაპირები მოსწორებულია, ადგილ-ადგილ კლდოვანი. ზედაპირი ვაკეა (სიმაღლე 127 მეტრამდე). გავრცელებულია მრავალწლოვანი მზრალობა. ჭარბობს არქტიკული ტუნდრის მცენარეულობა. მრავლადაა ფრინველთა ბაზრები; სევერნის კონცხის ნაპირებზე ლომვეშაპთა თავშესაყარია (ამიტომ ლომვეშაპის კონცხსაც ეძახიან). კუნძულს სახელი ეწოდება რუსი მრეწველის, ბელკოვის პატივსაცემად, რომელმაც ის 1808 წელს აღმოაჩინა.[2]
სქოლიო[რედაქტირება | წყაროს რედაქტირება]
- ↑ საბჭოთა კავშირის გეოგრაფიული სახელების ორთოგრაფიული ლექსიკონი, თბ., 1987. — გვ. 32.
- ↑ Бельковский // Большая российская энциклопедия. т. 3. — М., 2005. — стр. 294.