The Raven That Refused to Sing (And Other Stories)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
The Raven That Refused To Sing (and other stories)
სტუდიური ალბომი - სტივენ უილსონი
გამოცემის თარიღი 25 თებერვალი 2013
ჩაიწერა East West Studios, ლოს-ანჯელესი, 15-21 სექტემბერი, 2012
ჟანრი პროგრესული როკი[1] ჯაზ-ფიუჟენი,[2] არტ-როკი[3]
ხანგრძლივობა 54:03
ლეიბლი Kscope
პროდიუსერი სტივენ უილსონი, ალან პარსონსი
სტივენ უილსონი - ქრონოლოგია
Grace for Drowning
(2011)
The Raven That Refused to Sing (And Other Stories)
(2013)
Hand. Cannot. Erase.
(2015)

The Raven That Refused to Sing (And Other Stories) (ინგლ. ყორანი, რომელსაც არ სურდა სიმღერა (და სხვა მოთხრობები)) — ბრიტანელი მუსიკოს სტივენ უილსონის მესამე სტუდიური სოლო-ალბომი, რომელიც გამოვიდა ლეიბლზე Kscope Music Records 2013 წლის 25 თებერვალს. ალბომის ყოველი სიმღერა ზებუნებრივი მოვლენის ამბავზეა აგებული. ალან პარსონსი, ცნობილი პინკ ფლოიდის The Dark Side of the Moon-ით, არის ჩანაწერის ხმის ინჟინერი.[4][5]

არსებობს ალბომის 4 დისკიანი გამოცემა - 128 გვერდიანი წიგნით, რომელშიც შეტანილია ტექსტები და მოთხრობები აჩრდილებზე, დასურათებული ჰაიო მიულერის ნახატებით.[5] გარდა ამისა ალბომი გამოცემულია გრამფირფიტის, CD-ის და Blu-Ray დისკის ფორმატში.[4]

წარმოშობა[რედაქტირება]

2010 წელს Porcupine Tree-ის The Incident-ის მხარდამჭერი ტურნეს დასრულების შემდეგ, წლის დარჩენილი თვეები და 2011 წელი უილსონმა დაუთმო მეორე სოლო ალბომ Grace for Drowning-ის და Blackfield-ის მესამე ალბომ Welcome to my DNA-ის ჩაწერას. მიუხედავად იმისა, რომ 2012 წლის დასაწყისში იგეგმებოდა Porcupine Tree-ის დაბრუნება,[6] გეგმები შეიცვალა და უილსონმა განაცხადა, რომ ყურადღებას სოლო კარიერაზე გაამახვილებდა. მან 2012 წლის პირველ ნახევარში გამართა Grace for Drowning-ის მხარდამჭერი ტურნე, შემდეგ კი საკონცერტო შემადგენლობასთან ერთად სტუდიაში მესამე სოლო ალბომის ჩასაწერად დაბრუნდა[7] და მის 2013 წლის დასაწყისში გამოცემას აპირებდა,[8] იმავე წელს მხარდამჭერი ტურნეს გამართვით.[9]

შექმნა და ჩაწერა[რედაქტირება]

"Luminol" (ქართ. ლუმინოლი) უილსონისა და მისი საკონცერტო პერსონალის მიერ პირველად სრულდებოდა Grace for Drowning-ის ტურნეს მეორე ეტაპის დროს. მასში საუბარია ქუჩის მუსიკოსზე, რომელიც, ავტორის თანახმად, „იქ ყოველდღე დგას. ამინდს მნიშვნელობა არ აქვს, იგი ყოველთვის იქ არის, უკრავს აკუსტიკურ გიტარაზე და ამ სიმღერებს ასრულებს. თოვლი, წვიმა, ქარიშხალი - ვერაფერი შეუშლის ხელს, იქვე იდგეს...იგი უბრალოდ იმდენად მიეჩვია ამ ყველაფერს, რომ ვერც სიკვდილი შეაჩერებს.“ უილსონი: „შესაძლოა, ვიღაც აჩრდილად სიცოცხლეშივე იქცეს, ისევე, როგორც გარდაცვლილი, ვინაიდან მას სიცოცხლეშივე ივიწყებენ - განსხვავება არ არის; არც გარდაცვალების შემდეგ; ჩვეულება არ იცვლება.“[10]

"Drive Home" (ქართ. შინ იმგზავრე) ილუსტრატორ ჰაიო მიულერის შემოთავაზებული იდეით შეიქმნა. იგი არის „წყვილზე, რომელიც ღამით მანქანით მგზავრობს. მათ ძალიან უყვართ ერთმანეთი. საჭესთან მამაკაცი ზის, გვერდით - ცოლი, მეგობარი გოგონა, ან ვინმე სხვა - რომელიც მოულოდნელად ქრება.“ მამაკაცის პარტნიორის აჩრდილი საბოლოოდ ბრუნდება და ამბობს: „გაგახსენებ იმ ღამის მოვლენებს. მოხდა საზარელი ავარია, იგი დაიღუპა და ა.შ. - კვლავ, საუბარია ტრავმაზე, კაცის სიცოცხლეში დანაკარგზე. მას არ შეუძლია ჭეშმარიტების მიღება, ამიტომ მალავს - თითქოს იღებს ქაღალდს და მის დიდ ნაწილს ხევს.“[11]

"The Holy Drinker"-ში (ქართ. წმინდანი მსმელი) საუბარია „ძალიან ღვთისმოსავ, რელიგიურ, მქადაგებელ და თვითკმაყოფილ კაცზე. ვფიქრობ ტელეევანგელისტებზე - ადამიანებზე, რომლებიც სხვებს უამბობენ, რომ ისინი ცუდად ცხოვრობენ, რაღაც აკლიათ, ვინაიდან არ სწამთ ღმერთის. ადამიანი სხვებს აკრიტიკებს, თავად კი ალკოჰოლიკია. იგი დაუფიქრებლად იწვევს ეშმაკს დალევის შეჯიბრში, რასაც საშინელი შედეგი მოჰყვება: რა თქმა უნდა, ეშმაკს ვერ დაამარცხებ - ვერაფერში - ამიტომ იგი აგებს...ჯოჯოხეთში მოხვდება.“[12]

"The Pin Drop"-ში (ქართ. ქინძისთავის დავარდნა) განიხილება „იდეა, რომ შეიძლება ვინმესთან იარსებო, ვინაიდან ეს სასიამოვნო და ხელსაყრელია, არ არის აუცილებელი, გიყვარდეს ან სიმპათიით იყო განწყობილი.“ უილსონი განმარტავს: „სიმღერას ძირითადად ცოლი ასრულებს. იგი მკვდარია, გადაგდებულია მდინარეშე ქმრის მიერ, მდინარეზე მიცურავს და ამ სიმღერას მღერის.“ სიმღერაში იგულისხმება „იდეა, რომ ხოლმე ურთიერთობებში იმდენად დიდი დაძაბულობაა, უთქმელი სიბრაზე და ზიზღი, რომ მცირე რამ საკმარისია ასეთი ძალადობის გამოსაწვევად. ამ შემთხვევაში, იგი ტრაგედიით სრულდება. იატაკზე დაცემული ქინძისთავიც კი იწვევს სიბრაზეს.“[13]

მეხუთე სიმღერა, "The Watchmaker" (ქართ. მესაათე), აღწერს „თავის ხელობაში გამოცდილ მესაათეს, რომელსაც საქმის კეთებისას ემოციური აფექტები არ აქვს - არც გაღიზიანება, არც სასიამოვნო ემოციები.“ იგი არის „ორ ადამიანზე, რომელიც ერთად 50 ან მეტი წლის განმავლობაში ცხოვრობდა, მხოლოდ იმიტომ, რომ ეს ხელსაყრელი და სასიამოვნო იყო.“ უილსონი აღწერს, რომ „ხელოსანი საბოლოოდ ცოლს კლავს და მის გვამს მარხავს სახელოსნოს იატაკის ფიცრების ქვეშ. მაგრამ, რა თქმა უნდა, იგი ბრუნდება, ვინაიდან ქმართან 50 წელი იცხოვრა და არ მიატოვებს.“ სიმღერის ბოლოს „ბრუნდება იმისთვის, რომ ქმარი თან წაიყვანოს, რაც“, უილსონის თქმით, „გარკვეულწილად, მოჩვენებების კლასიკური ამბავია.“[14]

სასათაურო სიმღერაში მოთხრობილია „მოხუცი მამაკაცის ამბავი, რომელიც სიცოცხლის ბოლოს სიკვდილის მოლოდინშია. იგი იხსენებს ბავშვობას და თავის დასთან საოცარ სიახლოვეს. და მისთვის ყველაფერი, ისევე, როგორც უკანასკნელისთვის - ძმა. სამწუხაროდ, იგი მოკვდა, როდესაც ჯერ ახალგაზრდები იყვნენ.“ მამაკაცი დარწმუნებულია, რომ ყორანი, რომელიც მის ბაღში მოდის, წარმოადგენს „მისი დის სიმბოლოს ან გამოვლინებას. საქმე ის არის, რომ და მას უმღეროდა, როდესაც მას ეშინოდა და ეს მას ამშვიდებდა. უვიცი, იგი ფიქრობს, რომ თუ ყორანი მას უმღერებს, ეს საბოლოოდ დაადასტურებს, რომ მისი და დაბრუნდა, რათა სხვა სიცოცხლეში თან გაიყოლოს.“[15]

გამოცემა[რედაქტირება]

სიმღერის "The Raven That Refused to Sing" მუსიკალური ვიდეო 2013 წლის 8 თებერვალს გამოვიდა. იგი ეფუძნება ჰაიო მიულერის ნახატებს[16] და გადაღებულია ჯეს კოუპის და საიმონ კარტრაიტის მიერ. მათ მიერ მანამდე გადაღებული იქნა Storm Corrosion-ის "Drag Ropes"-ის ვიდეო.[17] კოუპმა აგრეთვე შექმნა "Drive Home"-ის ვიდეო.

ალბომი გაყიდვაში 2013 წლის 25 თებერვალს გამოვიდა.

შეფასება[რედაქტირება]

 პროფესიონალური შეფასებები
საერთო შეფასება
წყარო რეიტინგი
Metacritic 77/100[18]
ქულები
წყარო რეიტინგი
Allmusic 4/5 stars[19]
The Guardian 5/5 stars[20]
Metal Hammer 9/10 stars[21]
musicOMH 3.5/5 stars[22]
Sound & Vision (კეთილგანწყობილი) [23]
Sputnikmusic (4.2/5)[24]
The Monolith 9.5/10 stars[25]
PopMatters (7/10) [26]

ალბომი დადებითად იქნა მიღებული. The Guardian-მა აქო მისი „მინიმალისტური არტ-როკი, რომელიც გადადის საოცარ მოგონებების გამომწვევ ხმებში, მელოდიურ კრეშენდოებსა და მელოტრონით დასველებულ ციებ-ცხელებით სავსე ოცნებებში... ამ ალბომით უილსონი თანამედროვე როკის ერთ-ერთი ეშმაკური და ემოციური გმირი ჩანს.“ [20] Allmusic-ის აზრით, იგი არის „საუკეთესო უილსონის სამი სოლო პროექტიდან...ეს არის ოსტატურად დაწერილი მუსიკა ფერების, ნიუანსების, ტექსტურების, დინამიკის, თხრობისა და ხელმარჯვეობის მქონე ექსპერტის მიერ არანჟირებული კომპოზიციებით, რომლებსაც ასრულებს ვარსკვლავური მუსიკოსებისგან შემდგარი. “[19]

ჯილდოები[რედაქტირება]

The Raven That Refused to Sing (And Other Stories)-ს 2013 წლის პროგრესული მუსიკის დაჯილდოებაზე მიენიჭა წლის ალბომის წოდება.[27] იგივე ნომინაციაში იგი წარდგენილი იყო კლასიკური როკის საპატიო დაჯილდოებაზე.[28]

სიმღერების სია[რედაქტირება]

# სახელწოდება ხანგრძლივობა
1. Luminol   12:10
2. Drive Home   7:37
3. The Holy Drinker   10:13
4. The Pin Drop   5:03
5. The Watchmaker   11:43
6. The Raven That Refused to Sing   7:57

პერსონალი[რედაქტირება]

მუსიკოსები
დამატებითი მუსიკოსები
პროდიუსერები
  • სტივენ უილსონი - პროდიუსერი, ხმის მიქსი
  • ალან პარსონსი - დამატებითი პროდიუსერი, ხმის ინჟინერი
  • ბრენდან დეკორა - დამატებითი ინჟინერი

ჩარტები[რედაქტირება]

ჩარტი (2013) უმაღლესი
პოზიცია
ფინეთის ალბომების ჩარტი 17
უნგრეთის ალბომების ჩარტი[30] 34
გერმანიის ალბომების ჩარტი[31] 3
ბრიტანეთის ალბომების ჩარტი[32] 28

სქოლიო[რედაქტირება]

  1. http://www.allmusic.com/album/the-raven-that-refused-to-sing-and-other-stories-mw0002475916
  2. http://www.popmatters.com/feature/176942-the-best-progressive-rock-and-metal-of-2013/P1/
  3. http://www.theguardian.com/music/2013/feb/21/steven-wilson-raven-refused-review
  4. 4.0 4.1 Steven Wilson Confirms Third Solo Album. Prog Magazine. წაკითხვის თარიღი: 30 ნოემბერი 2012.
  5. 5.0 5.1 New Album Details. stevenwilsonhq.com. წაკითხვის თარიღი: 30 ნოემბერი 2012.
  6. Interview: Guitarist Steven Wilson of Blackfield and Porcupine Tree. Guitar World. წაკითხვის თარიღი: 17 ოქტომბერი 2011.
  7. http://www.hit-channel.com/steven-wilson-soloporcupine-treeblackfieldno-man/2517
  8. http://www.allaboutjazz.com/php/article.php?id=42991
  9. http://www.allaboutjazz.com/php/article.php?id=42991&pg=2
  10. Steven Wilson talks The Raven That Refused To Sing (And Other Stories) - Luminol. musicradar.com. წაკითხვის თარიღი: 11 თებერვალი 2013.
  11. Steven Wilson talks The Raven That Refused To Sing (And Other Stories) - Drive Home. musicradar.com. წაკითხვის თარიღი: 11 თებერვალი 2013.
  12. Steven Wilson talks The Raven That Refused To Sing (And Other Stories) - The Holy Drinker. musicradar.com. წაკითხვის თარიღი: 11 თებერვალი 2013.
  13. Steven Wilson talks The Raven That Refused To Sing (And Other Stories) - The Pin Drop. musicradar.com. წაკითხვის თარიღი: 11 თებერვალი 2013.
  14. Steven Wilson talks The Raven That Refused To Sing (And Other Stories) - The Watchmaker. musicradar.com. წაკითხვის თარიღი: 11 თებერვალი 2013.
  15. Steven Wilson talks The Raven That Refused To Sing (And Other Stories) - The Raven That Refused To Sing. musicradar.com. წაკითხვის თარიღი: 11 თებერვალი 2013.
  16. Steven Wilson Reveals Video For The Raven That Refused To Sing. Prog Magazine. წაკითხვის თარიღი: 11 თებერვალი 2013.
  17. The Raven That Refused To Sing Music Video. StevenWilsonHQ.com. წაკითხვის თარიღი: 11 თებერვალი 2013.
  18. The Raven That Refused to Sing and Other Stories Reviews. Metacritic. წაკითხვის თარიღი: 7 აპრილი 2013.
  19. 19.0 19.1 The Raven That Refused to Sing and Other Stories. Allmusic. წაკითხვის თარიღი: 26 თებერვალი 2013.
  20. 20.0 20.1 Lawson, Dom. “Steven Wilson: The Raven That Refused to Sing - review“, The Guardian, 21 თებერვალი 2013. წაკითხვის თარიღი: 22 თებერვალი 2013. 
  21. http://stevenwilsonhq.com/sw/get-all-you-deserve-in-metal-hammer/
  22. Steven Wilson - The Raven That Refused To Sing (And Other Stories). musicOMH. წაკითხვის თარიღი: 2 მარტი 2013.
  23. Steven Wilson's Raven in Surround Sound. Sound & Vision. წაკითხვის თარიღი: 26 თებერვალი 2013.
  24. Campbell, Hernan M.. (24 თებერვალი 2013)Album Review - Steven Wilson: The Raven That Refused to Sing. Sputnikmusic. წაკითხვის თარიღი: 26 თებერვალი 2013.
  25. Zecchel, Kevin. (17 January 2013)Steven Wilson - The Raven That Refused to Sing. The Monolith. წაკითხვის თარიღი: 26 აპრილი 2013.
  26. Ezell, Brice. (27 თებერვალი 2013)Steven Wilson: The Raven That Refused to Sing (and other stories) | PopMatters. popmatters.com. წაკითხვის თარიღი: 10 აგვისტო 2013.
  27. Prog Awards 2013 - The Winners!. Prog Rock Magazine (3 September 2013). წაკითხვის თარიღი: 4 September 2013.
  28. Classic Rock Roll Of Honour 2013 – voting open now!. Classic Rock (9 აგვისტო 2013). წაკითხვის თარიღი: 10 აგვისტო 2013.
  29. Steven Wilson – The Raven That Refused To Sing (And Other Stories). Progwereld. წაკითხვის თარიღი: 30 ოქტომბერი 2013.
  30. MAHASZ – Magyar Hangfelvétel-kiadók Szövetsége. mahasz.hu. წაკითხვის თარიღი: 13 მარტი.
  31. Die ganze Musik im Internet: Charts, Neuerscheinungen, Tickets, Genres, Genresuche, Genrelexikon, Künstler-Suche, Musik-Suche, Track-Suche, Ticket-Suche - musicline.de. musicline.de. წაკითხვის თარიღი: 10 ნოემბერი 2013.
  32. UK Albums Chart. წაკითხვის თარიღი: 16 იანვარი 2015.