Incredible Expanding Mindfuck

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Incredible Expanding Mindfuck
IncredibleExpandingMindfuck.jpg
ბიოგრაფია
წარმოშობა ჰემელ ჰემპსტედი, ჰერტფორდშირი, ინგლისი.
ჟანრ(ებ)ი კრაუტროკი
ფსიქოდელიური როკი
აქტიური 1996–2001
ლეიბლ(ებ)ი Chromatic Records, Delerium, Tone Float, Gates of Dawn, Headphone Dust
ასოციაციები No-Man, Bass Communion, Blackfield, Continuum, Porcupine Tree
საიტი Steven Wilson Headquarters
წევრები
სტივენ უილსონი

Incredible Expanding Mindfuck, აგრეთვე ცნობილი, როგორც I.E.M. — მუსიკოს სტივენ უილსონის მუსიკალური პროექტი. იგი ძირითადად კრაუტროკისა და ფსიქოდელიური როკის ჟანრის არის და იყენებს 1960-იანი და 1970-იანი წლების ექსპერიმენტული როკის ელემენტებს.

ისტორია[რედაქტირება]

I.E.M.-ს სტივენ უილსონი ინტერვიუებში იშვიათად განიხილავს. ალბომების ბუკლეტებზე ასევე მცირე ინფორმაციაა მითითებული. Incredible Expanding Mindfuck არის ერთგვარი სახუმარო მინიშნება Porcupine Tree-ს ადრეულ პრომო მასალაზე, სადაც აღწერილი იყო Porcupine Tree-ს გამოგონილი ისტორია, ხოლო Incredible Expanding Mindfuck მითითებული იყო, როგორც დაკავშირებული პროექტი.

უილსონის ნამუშევრები I.E.M.-ის ფარგლებში წარმოადგენს Porcupine Tree-ს ადრეული ფსიქოდელიური ჟღერადობის ექსპერიმენტების გაგრძელებას. უილსონის თქმით, პროექტის მუსიკაზე გავლენა იქონია Sun Ra-ს მსგავს შემსრულებელთა კოსმოსურმა ჯაზმა.[1]

I.E.M.-ის ნამუშევრები უფრო ექსპერიმენტულია, ვიდრე Porcupine Tree-ს და თითქმის მთლიანად ინსტრუმენტულია. თითქმის ყველა ინსტრუმენტზე უკრავს უილსონი, თუმცა ჩაწერაში მის გარდა Bark Psychosis-ის ყოფილი დრამერი მარკ სიმნეტიც მონაწილეობდა.

პროექტის პირველი ალბომი იყო I.E.M., გამოცემული 1996 წელს ლეიბლ Delerium Records. მას მოჰყვა შეზღუდული რაოდენობით გამოცემული An Escalator to Christmas. დრო და დრო გამოდიოდა შემდგომი ალბომები, ნაკლებად გამოკვეთილი პრომო კამპანიის თანხლებით.

I.E.M.-ის უკანასკნელი, ახალი მუსიკით დაკომპლექტებული ალბომი გამოიცა 2001 წელს (თუმცა 2005 წლის კრებულში I.E.M. 1996-1999 შეტანილი იყო მანამდე გამოუცემელი მასალაც). I.E.M.-ის აქტიურობამ იკლო და უფრო აქტიური გახდა უილსონის სხვა პროექტები - Porcupine Tree, Blackfield და Bass Communion, ისევე, როგორც No-Man და უილსონი, როგორც სოლო შემსრულებელი.

4 დისკიანი კრებული ალბომებით I.E.M., An Escalator to Christmas, Arcadia Son და I.E.M. Have Come for Your Children ლეიბლ ToneFloat-ზე 2000 წლის ივნისში გამოვიდა, 2000 ასლის ოდენობით. იგი აღწერილია, როგორც „I.E.M.-ისადმი პატივისცემა და ამავე დროს, დამშვიდობება“. ყოველი დისკი შეფუთულია იაპონური სტილის მინი გრამფირფიტის ტიპის შეფუთვაში. კრებულს ახლავს კარლ გლოვერის მიერ შექმნილი 60 გვერდიანი ბუკლეტიც.[2]

დისკოგრაფია[რედაქტირება]

რესურსები ინტერნეტში[რედაქტირება]

სქოლიო[რედაქტირება]

  1. Cited on I.E.M. homepage
  2. Complete I.E.M. boxset available for pre-order (2010-05-10). წაკითხვის თარიღი: 2010-05-10.