ჯოდელ ფერლანდი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ჯოდელ ფერლანდი
Jodelle Ferland
Jodelle Ferland 2, 2011.jpg
ჯოდელ ფერლანდი
დაბ. სახელი ჯოდელ მიკა ფერლანდი
დაბ. ადგილი ნანაიმო, ბრიტანეთის კოლუმბია
დაბ. თარიღი 9 ოქტომბერი, 1994
საქმიანობა მსახიობი
წლები 1999–დღემდე

ჯოდელ მიკა ფერლანდი (ინგლ. Jodelle Micah Ferland; დ. 9 ოქტომბერი, 1994, ნანაიმო, კანადა) — კანადელი კინომსახიობი, რომელიც აშშ-სა და კანადაში მოღვაწეობს.

ჯოდელ ფერლანდი დაიბადა კანადის ქალაქ ნანაიმოში.[1] ჰყავს და — მარიშა ფერლანდი და ძმა — ჯერემი ფერლანდი, პირველი, დის მსგავსად მსახიობი, ხოლო მეორე, მუსიკოსია.[1] იგი ავსტრიელი, ბრიტანული და ფრანგული წარმოშობისაა.[2] 4 წლიდან იღებდნენ სარეკლამო კომპანიებში, სადაც საერთო ჯამში დაახლოებით 20-მდე ფირმის რეკლამაში მიიღო მონაწილეობა. მათ შორის იყო „Coca-Cola“, „Mattel“ და ასევე რამდენიმე სატელევიზიო სერიალი („სმოლვილის საიდუმლოებები“, „ბნელეთის ანგელოზი“ და სხვ.). ჯოდელ ფერლანდმა პატარა ასაკშივე გაითქვა სახელი და საკმაო პოპულარულობით სარგებლობდა. თავდაპირველად რამდენიმე წელი სერიალებში თამაშობდა, შემდეგ მისი დებიუტი შედგა ფილმში „ქალთევზა“, სადაც განასახიერა „დესი“-ს სახე. ამ როლისთვის მიენიჭა ემის პრემია და ამით ამ ჯილდოს ყველაზე ახალგაზრდა ნომიმანტი გახდა.

აღსანიშნავია, ასევე მისი როლი ფილმში „მოქცევათა ქვეყანა“, სადაც მასთან ერთად ითამაშა ჯეფრი ბრიჯესმა. ერთი წლის შემდეგ ითამაშა საშინელებათა ფილმში „საილენტ-ჰილი“. მისი ერთ-ერთი ბოლო კინოროლებია: „ლილით სალივანი“ (ფილმი „საქმე N39“; პარტნიორი რენე ზელვეგერი), „ბრი ტანერი“ (ფილმი „ბინდის საგა: დაბნელება“), „პეიშნს ბაკნერი“ (ფილმი „ქოხი ტყეში“), „ჯენი“ (ფილმი „მაღალი კაცი“) და სხვ.

სამსახიობო ამპლუა: დრამა, მელოდრამა, ფანტასტიკა, თრილერი.

ფილმოგრაფია[რედაქტირება]

წელი ქართული სახელი ორიგინალი როლი
2000 ქალთევზა Mermaid
2001 მგლის ტბა Wolf Lake
2002 ისინი They
2002 კერი Carrie
2005 მოქცევათა ქვეყანა Tideland
2006 საილენტ ჰილი Silent Hill
2007 სიდი Seed
2007 წარმატებები, ჩაკ! Good Luck Chuck!
2007 წარგზავნილები The Messengers
2008 საოცარი სამყარო Wonderful World
2008 სელინი Celine
2009 საქმე N39 Case 39
2010 ბინდის საგა: დაბნელება Twilight Saga: Eclipse
2011 გოგოების ჩხუბი Girl Fight
2012 ქოხი ტყეში The Cabin in the Woods
2012 მაღალი კაცი The Tall Man

რესურსები ინტერნეტში[რედაქტირება]

სქოლიო[რედაქტირება]

  1. 1.0 1.1 Jodelle Ferland Biography (1994-). Filmreference.com (1994-10-09). წაკითხვის თარიღი: 2011-04-08.
  2. A Jodelle Ferland interview. Twilight-movie.org (2009-09-18). წაკითხვის თარიღი: 2011-04-08.