შანხაის მეცნიერებისა და ტექნოლოგიის მუზეუმი
| შანხაის მეცნიერებისა და ტექნოლოგიის მუზეუმი | |
|---|---|
 მუზეუმის ექსტერიერის ხედი | |
| 31°13′13″ ჩ. გ. 121°32′16″ ა. გ. / 31.22028° ჩ. გ. 121.53778° ა. გ. | |
| დაარსდა | 18 დეკემბერი, 2001[1] |
| ქვეყანა |
 ჩინეთის სახალხო რესპუბლიკა |
| მდებარეობა | შანხაი |
| კლასიფიკაცია | მეცნიერებისა და ტექნოლოგიის მუზეუმი |
| ოფიციალური საიტი | sstm.org.cn |
 | |
შანხაის მეცნიერებისა და ტექნოლოგიის მუზეუმი (ჩინ.: 上海科技馆) — მუზეუმი პუდუნში, საუკუნის პარკის მიმდებარედ,[2] შანხაი, ჩინეთი. მუზეუმი ჩინეთის ერთ-ერთი ყველაზე ხშირად მონახულებადი დაწესებულებაა.
ისტორია[რედაქტირება | წყაროს რედაქტირება]
1995 წელს აშენდა საუკუნის მოედანი, რომლის დასავლეთ ნაწილშიც შანხაის მეცნიერებისა და ტექნოლოგიის მუზეუმის განთავსება დაიგეგმა. ორგანიზატორების აზრით, ეს იანძის დელტის რეგიონში მეცნიერებით დაინტერესებას გაზრდიდა.[3] ჰუამუს სამოქალაქო ცენტრთან ერთად, მუზეუმის მშენებლობა ასევე ითვალისწინებდა პუდუნის დამოუკიდებლად განვითარებას ლუძიაწუეისა და მისი სხვა მეზობელი რაიონებისაგან.[4] მუზეუმში დროულად მოხერხდა საკონფერენციო და შეხვედრების დარბაზების მოწყობა, რომლებმაც აზია-წყნარი ოკეანის ეკონომიკური კორპორაციის ლიდერების შეხვედრას უმასპინძლა 20 და 21 ოქტომბერს, 2001 წელს.[5] შეხვედრას ესწრებოდა ჩინეთის ლიდერი, ძიანგ წემინი, რუსეთის პრეზიდენტი ვლადიმირ პუტინი და აშშ-ის პრეზიდენტი ჯორჯ უოკერ ბუში.
2001 წლის 18 დეკემბერს დასრულდა მეცნიერებისა და ტექნოლოგიების მუზეუმის მშენებლობის პირველი ეტაპი და დაწესებულება ოფიციალურად გაიხსნა.[3] მუზეუმის თავდაპირველი თემები იყო: ბუნების ჰარმონია, კაცობრიობა და ტექნოლოგია (ჩინ.: 自然·人·科技). მუზეუმის თავდაპირველი ხუთი გამოფენა მოიცავდა თემებს: „სამოთხე და დედამიწა“, „სიცოცხლე“, „სიბრძნე“, „კრეატიულობა“ და „მომავალი“.[6]
პროექტის მეორე ნაწილი გაიხსნა 2005 წლის მაისში, რითაც შანხაის მეცნიერებისა და ტექნოლოგიის მუზეუმი პირველი მუზეუმი გახდა მსოფლიოში, რომელიც დამოწმებული იყო ISO 9000/14000-ის ხარისხით და გარემოსდაცვით სტანდარტებს შეესაბამებოდა.[3] გახსნიდან 2010 წლამდე მუზეუმს 19.5 მილიონი ადამიანი ეწვია.[3] ბავშვების სივრცე და „სიბრძნის სინათლე“ განახლდა 2010 წლის იანვრიდან მაისამდე,[7] შანხაის 2010 წლის მსოფლიო ექსპოზიციისათვის. ჩინეთის ეროვნულმა ტურიზმის ადმინისტრაციამ მუზეუმს 4A კატეგორია მიანიჭა. დღესდღეობით მუზეუმის კატეგორია შეიცვალა და ის 5A კატეგორიას მიეკუთნება (საუკეთესო).[3][8] 2009 წლის 16 ნოემბერს, ბარაკ ობამამ ოფიციალური ვიზიტისას შანხაის მეცნიერებისა და ტექნოლოგიის მუზეუმში შანხაიში მცხოვრები სტუდენტებისათვის შეხვედრა მოაწყო.
ადმინისტრაცია[რედაქტირება | წყაროს რედაქტირება]
შანხაის მეცნიერებისა და ტექნოლოგიის მუზეუმი მთლიანად სახელმწიფოს დაქვემდებარების ქვეშ არაა და შანხაიში კერძო ბიზნესებისაგან ფინანსდება. ამ ბიზნესებს შორისაა: შანხაის პუდუნის განვითარების ბანკი, შანხაის მეცნიერებისა და ტექნოლოგიის ინვესტიციის კორპორაცია, ბეიჯინგის ჭიძინის საწარმოს კაპიტალი და ტოპ ჯგუფი.[9] ამ ფონდებს წვლილი შეაქვთ შანხაის სხვა სამეცნიერო მუზეუმების განვითარებაშიც, რომელთა შორისაა: შანხაის ბუნებრივი ისტორიის მუზეუმი და შანხაის ასტრონომიის მუზეუმი.
.jpg)
არქიტექტურა[რედაქტირება | წყაროს რედაქტირება]
შანხაის მეცნიერებისა და ტექნოლოგიის მუზეუმის მშენებლობა 3.75 მილიარდი ჩინური იუანი[1] (180 მილიონი აშშ დოლარი)[10] დაჯდა. მუზეუმის შენობა სპირალის ფორმისაა და ხუთ სართულს მოიცავს.[10] მუზეუმის შენობა მეცნიერულ და ტექნოლოგიურ პროგრესს აღნიშნავს.[3] მუზეუმის ცენტრში დიდი ზომის შუშის ბურთულა წყლიდან სიცოცხლის წარმოშობას გამოხატავს.[3] მუზეუმი 6.8 ჰექტარის ტოლ ტერიტორიაზეა აშენებული[3][10] და მთლიანად 98 000 კვადრატული მეტრის ტოლი ტერიტორია უჭირავს.[3] მუზეუმის გასათბობი, სავენტილაციო და გამაგრილებელი სისტემა მუზეუმის მშენებლობისას საკმაოდ იშვიათი და მოწინავე იყო და მუზეუმის ცალკე ექსპონატადაც განიხილებოდა.[5]
შანხაის მეცნიერებისა და ტექნოლოგიის მუზეუმი პუდუნის ჰუამუს სამოქალაქო ცენტრის ნაწილია.[4] მუზეუმის მახლობლადაა საუკუნის პარკი. მუზეუმმა პარკთან ერთად ხელი შეუწყო მიმდებარე ტერიტორიებზე მდიდრული საცხოვრებლების მშენებლობას.[4]
გამოფენები[რედაქტირება | წყაროს რედაქტირება]
მუზეუმის ერთ-ერთი მთავარი დანიშნულება მეცნიერების პოპულარიზაციაა.[3] მუზეუმის მთავარი თემებია: ბუნების ჰარმონია (自然), კაცობრიობა (人) და ტექნოლოგია (科技).[6][3]
მუზეუმში არსებობს 14 მუდმივი გამოფენა და 4 მეცნიერების თემატური კინოთეატრი. მუზეუმის გამოფენებს შორისაა:
- ცხოვრების სპექტრი: ბუნებრივი გამოფენა, რომელიც იუნანის პროვინციის პეიზაჟებსა და მის მრავალფეროვან ცოცხალ სამყაროს წარმოადგენს.[11]
- დედამიწის გამოკვლევა
- დიზაინერები[3][8] დამთვალიერებლებს შეუძიათ გამოიყენენონ კომპიუტერული საშუალებები მცირე ზომის ნივთების ასაშენებლად[10]
- ბავშვების ცისარტყელის მიწა[10], ასევე ცნობილი როგორც ბავშვების მეცნიერების პარკი[3][8]
- სიბრძნის სინათლე
- სახლი დედამიწაზე
- ინფორმაციის ერა
- რობოტების მსოფლიო
- გამოკვლევის სინათლ — გამოფენა, რომელიც XX საუკუნის ადამიანის მეცნიერულ მიღწევებს წარმოაჩენს[12]
- ადამიანი და ჯანმრთელობა
- კოსმოსი და ნავიგაცია
- ცხოველთა სამყარო
- ობობების გამოფენა
ჩინეთის უძველესი მეცნიერებისა და ტექნოლოგიების გალერეა დამთვალიერებლებს ძველი ჩინეთის გამოგონებებსა და მიღწევებს აჩვენებს.[3] მკვლევართა გალერეაში წარმოდგენილია ინფორმაცია ჩინელი და უცხოელი მკვლევარების შესახებ.[8] აკადემიკოსთა გალერეაში წარმოდგენილია თანამედროვე მეცნიერები ჩინეთიდან,[3] კერძოდ კი შანხაიდან.[1]
მუზეუმში ასევე მდებარეობს ორი დროებითი საგამოფენო დარბაზი.
მუზეუმი გაიხსნა 2 IMAX კინოთეატრი.[10] საერთო ჯამში მუზეუმში 4 კინოთეატრი მდებარეობს:[8][1]
შანხაის მეცნიერებისა და ტექნოლოგიის მუზეუმი დამთვალიერებლებისათვის ღიაა 09:00-დან 17:15-მდე. დაწესებულება არ მუშაობს ორშაბათობით (გარდა იმ შემთხვევებისა, როდესაც ორშაბათს დასვენების დღე ემთხვევა).
ტრანსპორტირება[რედაქტირება | წყაროს რედაქტირება]
შანხაის მეცნიერებისა და ტექნოლოგიის მუზეუმის სადგური შანხაის მეტროპოლიტენის მეორე ხაზზე მდებარეობს. მუზეუმის ახლოსაა მეოთხე ხაზის პუდიანის სანდურის გაჩერებაც. მუზეუმის მიმდებარედ მოძრაობს ავტობუსებიც, რომელთა შორისაა მარშრუტი 794 და მარშრუტი 640.
ლიტერატურა[რედაქტირება | წყაროს რედაქტირება]
- Han Zheng, რედ. (2010), „Shanghai Science & Technology Museum“, The Encyclopedia of Shanghai, Shanghai: Shanghai Scientific & Technical Publishers, p. 332, http://zhuanti.shanghai.gov.cn/newencyclopedia/en/Default2.aspx#332.
- „Attractions: Shanghai Science & Technology Museum“, Official site, Shanghai Pudong New Area Government, 19 July 2017, http://english.pudong.gov.cn/2017-07/19/c_84795.htm.
- „An Unforgettable and Joyful Visit to Shanghai Science & Technology Museum“, Official site, Suzhou: Suzhou Foreign Language School, 2014, http://en.sfls.com.cn/newsreleases/Show.aspx?id=500 დაარქივებული 2021-09-09 საიტზე Wayback Machine. .
- Sha, Yongjie; Wu Jiang; Ji Yan; Sara Li-ting Chan (2014), „Case Study 09: Civic Centre Complex: Huamu Civic Centre Area“, Shanghai Urbanism at the Medium Scale, Heidelberg: Springer Geography, pp. 57–9, ISBN 9783642542039, https://books.google.com/books?id=ZlH7AwAAQBAJ&pg=PA57.
- Tom, Steve (Oct 2002), „Shanghai Technology Museum“, ASHRAE Journal: BACnet Today, American Society of Heating, Refrigerating, and Air-Conditioning Engineers, pp. 36–8, http://www.bacnet.org/Bibliography/BACnet-Today-02/Tom.pdf.
- Varutti, Maria (2014), Museums in China: The Politics of Representation after Mao, Woodbridge: Boydell Press, ISBN 9781843838883, https://books.google.com/books?id=JrnCAwAAQBAJ.
რესურსები ინტერნეტში[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ 1.0 1.1 1.2 1.3 Introduction
- ↑ 世纪公园-上海旅游景点 დაარქივებული 2011-11-27 საიტზე Wayback Machine. (in Chinese) "Century Park is the largest natural park setting within the Inner Ring Road in Shanghai."
- ↑ 3.00 3.01 3.02 3.03 3.04 3.05 3.06 3.07 3.08 3.09 3.10 3.11 3.12 3.13 3.14 3.15 Enc. Shang. (2010).
- ↑ 4.0 4.1 4.2 Sha & al. (2014).
- ↑ 5.0 5.1 Tom (2002), p. 38.
- ↑ 6.0 6.1 Tom (2002), p. 37.
- ↑ SFLS (2014).
- ↑ 8.0 8.1 8.2 8.3 8.4 Pudong (2017).
- ↑ varutti p.46.
- ↑ 10.0 10.1 10.2 10.3 10.4 10.5 Tom (2002), p. 36.
- ↑ Spectrum of Life
- ↑ Light of Exploration